掃呢頁CODE去手機

2014年10月23日 星期四

[壹週刊 - 1285] 搾乾平民董事 葉翠翠大咬鱷魚袋 伴遊出埠開天價 翠翠,葉翠翠,M1,




完事落樓  20/10

前一晚在 Raymond屋企過夜,葉翠翠第二朝返自己屋企換衫,新佬就負責去買外賣,之後再接番葉翠翠返自己屋企再開餐。

娛頭

搾乾平民董事 葉翠翠大咬鱷魚袋 伴遊出埠開天價

試過在○八年搭上大陸富商黃有龍,可以一炮過俾三千萬買入兩個賽西湖豪宅單位,從此令三十三歲過氣港姐葉翠翠,走上專釣有錢佬不歸路,能被她睇得上眼的男士,全部都非富則貴。

向來進取的葉翠翠,最新目標是建築公司副董事的周曉東( Raymond),對方年約四十多歲,身高六呎,出入揸寶馬跑車。為拑實富男友,葉翠翠頻頻送上門摸黑擦蟹,更答應做伴遊陪出埠,用盡辦法搾乾新歡。

以為「叫胡」,實情 Raymond絕非富豪級數,手上持有的物業,是被歸類為「窮人恩物」的屯門細價樓。睇來葉翠翠今次要白做!

嗒蟹過夜

在屋企內玩完一輪,傍晚時分,兩人出動去買大閘蟹。

被葉翠翠人肉篩選過的男人,大部分都非富則貴,揸名車、住靚樓,即使並非老細級別,都會係專業人士。

至於葉翠翠最新目標,是在「李景勳、雷煥庭建築有限公司」擔任副董事的 Raymond周曉東。這間公司在香港頗有名氣,經常幫四叔李兆基的恒基地產,負責樓宇項目。年約四十多歲的他,身高有六呎,頭髮依然濃密,外表屬於才俊形,出入以七十多萬的寶馬 428iA Cabio-M Sport代步,加上目前單身冇老婆,絕對是葉翠翠眼中的筍盤,非拑不可。

早前,葉翠翠陪新佬 Raymond到九龍城買大閘蟹,兩個原本一齊入鋪頭揀蟹,但店內人多,為免被人眼望望尷尬,葉翠翠要求返上車等,但臨上車前不忘報以姣電眼神,搞到 Raymond暈晒浪,之後二人更急急返回男方北角寓所,嗒蟹談情。

半島開餐

由於葉翠翠近排工作量不多,與 Raymond幾乎晚晚見,大部分時間更選擇到男方屋企玩禁室培慾,而 Raymond就負責買餸玩煮飯仔。

直到十月八日,葉翠翠同 Raymond終於孖住外出,男友收工後返回北角寓所換衫,再揸車去到賽西湖花園接女友,在等葉翠翠期間, Raymond全程落地企,一見女友就即刻幫忙開車門,甚有紳士風度。而當晚葉翠翠的打扮亦極具戰鬥格,露背兼低胸,全身白色造型同新佬襯到絕。

二人到半島酒店撐枱腳,落車時葉翠翠同 Raymond刻意扮生疏,保持距離行入酒店內的 Gassi's餐廳食法國菜。對食兩個半小時,又飲過香檳調情,之後葉翠翠索性返男方屋企,繼續下半場。

8/10

Raymond揸住架價值七十三萬寶馬 4系去接葉翠翠。

葉翠翠化行妝,著了低胸露背裙,同 Raymond去半島酒店食飯。

無論上車落車,葉翠翠同新佬都保持住一段距離,警覺性極高。

食完飯,兩人極速返回男方北角威景台寓所,繼續溫馨。

應承伴遊

除了日見夜見,葉翠翠更答應做伴遊陪對方出埠。由於稍後時間她會到上海為劇集《梟雄》拍幾日戲,於是約實 Raymond在上海會合,再轉機去韓國玩幾日,但無論酒店同機票,葉翠翠都有要求。

「 Raymond為咗試吓玩明星仔,佢都好揼本,每次出去食飯都帶葉翠翠食貴嘢,淨係半島呢半個月都去咗兩次,每次五、六千蚊埋單,同埋佢都有呻過條女扮大牌,雖然答應陪佢去韓國玩幾日,但就要求多多,搭飛機最起碼要坐商務客位,酒店要住五星級,仲揀咗明洞間 Lotte Hotel套房,每晚房錢要近三千蚊港幣。」 Raymond一位友人說。

既然答應做伴遊,葉翠翠唔蝕底,再𢱑新佬送禮物,據知她睇中一個二萬九千九百元鱷魚皮手袋, Raymond雖然肯送,但卻買錯顏色。上星期六(十八日)唯有幫女友到 ifc Nancy Gonzalez換貨,將原本紫色的鱷魚皮手袋,換了葉翠翠指定的灰色。

4/10

葉翠翠陪新佬到九龍城揀大閘蟹,她無時無刻都對 Raymond放晒電,搞到對方不時流露興奮表情。

13/10

剛剛開始拍拖,葉翠翠同新佬幾乎日日見面,每次他都會親自載葉翠翠返自己屋企。

葉翠翠在微博 post了一段愛的告示,明顯用來冧 Raymond。

釣錯金龜

新佬出手闊綽,更樣樣照顧周到,正當葉翠翠以為執到寶,甚至在微博出招傳情冧佬,「真正的愛情,要懂得珍惜。能遇心愛的人,是多麼幸運的事……」

但原來報稱是建築公司副董事的 Raymond,並非葉翠翠想像般富貴,根據公司註冊處記錄所得資料,他在「李景勳、雷煥庭建築師有限公司」內並無持有任何股份,只屬掛名股東,而他目前手上只持有一個物業,是去年以四百三十萬購入的屯門海慧花園一個極低層單位,相比葉翠翠市值三千萬賽西湖豪宅,絕對只屬「窮人恩物」級數。

而據記者連日追訪所見, Raymond的寶馬溝女戰車,只用來接載葉翠翠,其餘返工放工時間,他只會坐四元八角一程的小巴,相當慳家。

以為拑到大水喉,點知揀錯平民董事,葉翠翠想好似以前咁有豪宅收、坐頭等去歐洲,有難度。



葉翠翠氹掂新佬送鱷魚皮手袋,點知買錯顏色, Raymond要返去換袋,將紫色換了灰色。

葉翠翠近年無論個樣同身材,都同選港姐時有明顯變化。

葉翠翠肯陪 Raymond出埠,但最低限度都要坐商務,又指定要住五星級 Lotte酒店。

葉翠翠有份拍大台重頭劇《梟雄》,稍後會去上海拍外景。

真識揀

33歲的葉翠翠,多年來努力裝備自己,由五官到身材均落力「加工」,無非想釣有錢佬,盡早上岸。



最初葉翠翠死口唔認有黃有龍射住,直到被對方飛起,與趙薇一齊,她才自爆同人有一手。

內地富商黃有龍

08年,葉翠翠暗交內地富商黃有龍,更獲對方「科水」連掃兩個賽西湖單位,事後她死撐是炒股票獲利,被嘲「港姐股神」,最後男方搭上趙薇,令她上岸夢碎。

中原董事李卓雄

去年,葉翠翠被撞破與中原地產聯席董事李卓雄,到金鐘香格里拉燭光晚餐,飯後二人再上酒店房短聚兩粒鐘。

德勤高層唐業銓

12年,葉翠翠被指與在德勤會計師樓做高層的唐業銓來往甚密,並到香格里拉一間西餐廳撐枱腳,其間態度親暱。

匯豪國際董事方振文

07年,與經銷道地綠茶的匯豪國際董事方振文,到中環歎法國菜,有指飯局是由陳淑蘭及寇鴻萍幫手撮合。

波子男

13年,葉翠翠收工時,一名男子揸住價值 200萬的波子現身做柴可夫,接載她返歸,斷正後波子男更當場發難,開門撞記者。

愛錯空心佬倌

想釣金龜上岸,除了講命數,更要考眼光,萬一光棍遇着無皮柴,分分鐘人財兩失。

陸詩韻

08年,陸詩韻被拍到暗撻身家 10億的「假油王」朱明,由將軍澳居屋,搬到月租 10萬的銅鑼灣酒店式公寓,兩個月後,遭陳法蓉硬撬牆腳,其後朱明被踢爆原來在內地欠債逾 7億人仔,要改名換姓避債。

楊思琦

11年,楊思琦背住拍拖多年的男友李泳豪,搭上吳帥,更珠胎暗結。但未幾吳帥被踢爆是空心老倌,欠落周身債,更一度潛水失蹤,最後楊思琦慘變單親媽媽,獨力撫養女兒。

張曼玉

93年,張曼玉在飛機上認識商人宋學祺,有傳二人曾在墨西哥秘密結婚。事隔半年,傳出男方騙去張曼玉 1,000萬,最終分手收場。

廖碧兒

10年,廖碧兒一腳踏兩船,背住陳豪黐埋李澤楷表弟林忠豪,被指「拜金女」的她,被拍得在對方位於淺水灣的獨立屋過夜。後來廖碧兒發現對方是失匙夾萬,即火速斬纜。



鍾意就快D Share啦!