張耀榮二房女兒開新公司 頭炮為羅文紀念演唱會
2014-10-22 19:16:00
（攝影：陳俊強）
演唱會之父張耀榮生前創辦的耀榮娛樂有限公司，喺佢離世無耐，就因為兩房之間喺賬目上問題，而鬧上法庭，最終要將耀榮娛樂有限公司清盤。
今日張耀榮二房女兒張麗芳，現身羅文紀念演唱會記招，並以主辦之一「永耀娛樂有限公司」董事身份出席，新公司係張麗芳與丈夫一齊成立，並無任何家族成員參與，張麗芳話：「今次個騷係公司第一個舉辦演唱會，其實係爸爸生前意思，當時都已經傾過為羅文搞紀念演唱會，好可惜爸爸突然走咗，之後再撞到Terry（羅文生前助手）傾番，我話會全力支持，完成爸爸意願。」
張麗芳承認未能以耀榮娛樂有限公司名義去主辦感到可惜，而新公司名命都係紀念爸爸，公司員工都係請番舊公司同事，所以運作一樣，只係轉咗名，嚟緊都仲有其他演唱會舉辦，稍後再作公布。
另外，講到清盤官司一事，佢話：「法庭o依家進行手續中，今次只係哥哥同我先生喺合作投資演唱會賬目上問題，而唔係爭產，我都好難介入去做中間人。」兩房人暫時未有任何溝通，新公司的成立，亦未有通知大房。
|
鍾意就快D Share啦！
|
|
|
