【忘年戀】九頭身榮倉奈奈 遭豐川悅司錫腳
2014-10-22 17:56:00
榮倉奈奈被豐川悅司錫腳。
現年26歲嘅九頭身日本女星榮倉奈奈，2002年加入模特兒界發展，之後殺入藝能界都有唔錯發展，12年來參演過接近50套影視作品，當中同瑛太合演嘅催淚愛情片《生命最後一個月的花嫁》，就稱得上係佢從影以來嘅代表作喇！
不過，榮倉奈奈呢兩年事業好似停滯不前，演藝成績明顯唔及同期入行嘅北川景子同埋新垣結衣。眼見其他同輩都升格做一線花旦，仲係徘徊二線嘅榮倉當然唔敢怠慢，佢為下年2月14日上映嘅新片《娚的一生》有突破演出，唔止拍住演技派男星豐川悅司有連場親熱戲，長腿見稱嘅榮倉今次會盡晒本錢，同男主角豐川悅司發展出浪漫忘年戀，仲有一場錫腳場面，都幾重口味呀﹗
其實豐川都話對呢一場啜榮倉美腿嘅戲份好難忙，片商決定採用呢場戲做宣傳海報，今日就率先公開首張海報同埋預告片，粉絲當然話期待指數爆燈
|
鍾意就快D Share啦！
|
|
|
