[壹週刊 - 1285] 亞視糧唔出騷照做 亞視,M1,

4.朴永淏原本係大熱，最後六強止步，完騷後仲喊晒口，但佢話只係一時感觸，唔捨得班亞洲先生喎！

同你吟一吟

亞視糧唔出騷照做

上個禮拜五晚（十月十七日）亞視舉行《 2014亞洲先生競選》。賽前大熱 4.朴永淏，六嚿腹肌加都敏俊單眼皮，諗住佢坐亞望冠，點知六強第一個就出局！

唔只跌到一地眼鏡碎，完騷後朴永淏見到記者，都忍唔住流下男兒淚，佢透過翻譯解釋，比賽已經傾盡全力，出局原因可能同佢語言不通有關，但無論結果係點，佢都希望有機會留喺亞視，嚟香港發展喎！

語言溝通真係好重要，朴永淏如果識聽廣東話，就會知道亞視台前幕後都冇糧出，留喺度的話，分分鐘喊得仲淒涼。

來自廣州嘅 6.鍾劍輝，爆冷攞冠軍，賽後佢答得好囂張：「我唔覺得自己爆冷，選亞洲先生需要綜合質素，自己勝在平均。」

鍾意就快D Share啦！

下一篇 》