全城熱爆的娛樂八封新聞 & 時事趣聞 & 生活 + 趣聞
其實香港天氣只係涼涼哋，但霆鋒又冷帽又厚褸，呢度唔係北京喎！
同王菲世紀復合，謝霆鋒一次又一次被發現人肉速遞到北京，同女友禁室培慾日對夜對，不過星期一（二十日），佢終於捨得返香港，仲去咗中環飛番個靚髮。
剪完頭髮落樓下上車，記者趁機會問霆鋒，王菲係咪有咗？知唔知張栢芝有新歡？霆鋒例牌十問十唔應，只係同記者講：「辛苦晒喇！」就跳上車閃人。 霆鋒曾經講過，如果聽到記者問一啲完全同事實不符嘅新聞，佢會即刻否認，如果佢選擇唔答，只係唔想將事實講出嚟喎，咁王菲大肚、栢芝有新歡，唔通都係真嘅？
記者問王菲係咪有咗？霆鋒只係微笑乜都唔答，之後上車走人。
世紀復合，兩個見少陣都唔得，王菲嘅北京香閨，已經變成佢兩個嘅愛巢。
