2014年10月23日 星期四

[壹週刊 - 1285] 汪阿姐家英哥 有食神 汪阿姐,阿姐,汪明荃,M1,




古老闆親自招呼參觀鋪頭,但阿姐雙眼只係望住凍櫃裡面嘅甜品,仲樣樣都想試。

同你吟一吟

汪阿姐家英哥 有食神

由阿姐汪明荃碌盡人情咭製作嘅飲食清談節目《女皇的盛宴》,嘉賓陣容唔講得笑,有李嘉欣、吳君如、譚詠麟、李克勤,連「非常校長」沈祖堯都俾面同阿姐食飯。

上至請嘉賓,下至食乜餸,全部由阿姐話事,集集有食神,偏偏早排約古巨基同周慧敏做訪問,阿姐棄食山珍海味,指定去基仔間甜品店做錄影。

幫基仔鋪頭賣廣告都係其次,實情阿姐份人鍾意食甜品,唔單只錄影時邊食邊傾,錄完節目,仲攞咗好多盒甜品返屋企慢慢歎。

阿姐好口福,佢 honey羅家英都唔輸蝕。上個禮拜四(十月十六日),家英哥陪朋友去又一城 high tea。同枱全部係女人,反而唔使佢埋單,食飽飽,拍拍籮柚就走人。



為咗食,阿姐唔介意冇冷氣响室外做錄音,唯有叫化妝師密密補粉印汗。

之前試過因為感冒搞到面癱嘅羅家英,見近排天氣漸涼,朋友請飲 tea,家英哥又帽又頸巾做足預寒準備。

古太 Lorraine雖然有病在身,但一樣到場,幫手招呼阿姐。



鍾意就快D Share啦!
Related Posts Plugin for WordPress, Blogger...