2015年1月7日 星期三

[FACE - 398] 着李詩韻舊鞋 胡杏兒瘋戀港姐食家 杏兒,李詩韻,詩韻,港姐,胡杏兒,MF,




乾塘近三年,胡杏兒在新年來臨前終於有着落,除夕前一晚( 30日)以女友身份陪金融才俊 Phil出席友人派對。

封面

着李詩韻舊鞋 胡杏兒瘋戀港姐食家

加加埋埋單身三年,胡杏兒同黃宗澤甩拖後緋聞傳唔停,不過都係得個傳字。「多人追」、「了解中」,聽就聽得多,好在今次終於成功叫糊。

上周五( 30日),省鏡過台慶頒獎禮嘅杏兒跟住新男友出席私人生日派對,正式確定新戀情,新歡仲唔係生面口呀!拖過李詩韻、嗒過張曦雯,金融才俊兼夜場老闆 Phil高大威猛財力雄厚,不嬲多女星仆埋身,今次連 35歲杏兒都中招!又話去到邊都有狗仔隊、冇得見面又冇得出街嘅?








散玩 1年

10年相戀, 11年撻着, Phil前度李詩韻榜上有名。

圖片

戀得高調,分手亦高調! 12年中,胡杏兒喊住宣布同黃宗澤各行各路後,雖則身邊長期傍住胡定欣、黃智雯、姚子羚呢班閨密,甚至仲有個攬得又玩得嘅「男友」李思捷,但始終 35歲冇件真命唔多踏實。上週六( 31日)出席倒數活動,都仲講緊:「𠵱家有幾位都了解認識中,係圈外人,但係根本出唔到街約會,因為太多狗仔隊跟!唯有用短訊溝通,好似古代寫信一樣。」其實杏兒乾塘三年早有着落,倒數前一日至做跟得女友陪新歡去 Ball。

陪你倒數

除夕前(上月 30日)一晚,記者在銅鑼灣富豪酒店發現杏兒蹤影,身邊不見經理人與助手包圍,杏兒少了視后氣勢不過就多了一分「女友」味,準時開席前乘男友七人車到場,乖乖殿後在男伴之後落車、等男伴簽到搵位靜靜聽候發落,然後入場埋位陪笑又陪坐,十足十背後女人一樣。

收錢出席倒數騷就話化行妝又大露背、台慶爭獎就話要爭奇鬥艷,當晚富豪酒店舉行的其實屬於私人生日慈善派對,杏兒復古 look加高貴白裙,打扮反而更落本錢!無他,女為悅己者容,當晚叫得郁杏兒擔任女伴的,正是杏兒新歡 Phil。

雖然入場時保持距離掩人耳目,杏兒出入派隊都由 Phil名下七人車接送、與 Phil同車。

出席倒數騷大露背,陪男友就露半邊香肩,杏兒打扮不比出席活動馬虎。

據悉得手後 Phil向友人公開與杏兒拍拖,友人私人生日派對,亦一早話明會偕伴出席。

做跟得女友陪去 Ball,杏兒在場內全程放下視后氣勢,靜靜陪在 Phil身邊, Phil就拿酒斟住飲。

公開關係

三年來身邊都係得閨密陪伴,杏兒近日突然風騷,一時晒收花、一時轉發幾米散文,感慨「彼此陪伴成為對方的陽光」。

前度是當家小生,杏兒新歡其實亦唔講得笑,男伴 Phil正職金融、亦擁有名人夜蒲熱店 PLAY,高大又靚仔圈中友人不少,圈中前女友更加多, 10年曾經與李詩韻拍拖一年,去年中更同明珠台主持、華姐出身的張曦雯傳撻着,絕對係新晉港姐華姐殺手。

據知情人士透露,杏兒感情真空三年,一直恨拍拖恨到發燒,不時放風要身邊好姊妹介紹男友,今次遇上港姐殺手,本來還擔心對方情史豐富變前度翻版,思前想後才被誠意打動,唔怕畀人話着李詩韻舊鞋都放膽愛,可見杏兒今次的確中晒招,愛得瘋狂。兩人正式行埋冇耐,男友 Phil已私下向友人宣布溝女成功,而生日派對則第一次以情侶身份公開關係,悉心打扮杏兒絕對攞滿分。

新歡 Phil:「唔係好慣!」

據悉成功追到杏兒後,有人難耐興奮之情,周日( 4日)本刊致電男主角, Phil其實好怕醜:「點解你會 call我嘅?邊個話我哋拍拖呀?我哋一齊去 ball啫,個個都係朋友,我都唔係好慣、唔想講咁多!」

至於上一任緋聞女友張曦雯就大方得多:「我同佢都冇一齊,又點分開呢?我冇聽過佢哋一齊,但我知道 Phil好想搵個好女仔 settle down,杏兒又真係一個好女仔,據我所知 Phil絕對唔係花心嘅人,佢哋一齊我梗係開心」至於杏兒前度 Boso就好大方送上祝福,他對本刊說:「如果係真就祝福佢、恭喜佢!」

陪男友去完翌日,杏兒在上水廣場出席倒數活動,被問到感情動向,口講話「了解中」,不過表情就如沐春風。

前度現任同場

又會咁蹺,拍完拖開工就同 Phil前度同場倒數,張曦雯透過電話訪問表示:「唔知 Phil同杏兒拍緊拖!」

今年 6月, Phil與張曦雯結伴蒲相外洩,傳出緋聞,不過張曦雯就死口唔認:「我哋冇一齊,又點分手呢?」

心情靚靚就唔怕擺自己緋聞上台,台慶頒獎禮杏兒同李思捷齊齊頒獎,前度黃宗澤亦在台下陪笑。

我找到了!

一套《野蠻奶奶》定情,相戀八年後越戀越公開,更在 11年台慶登上視后寶座時發表愛的宣言,勢估唔到八個月後胡杏兒同黃宗澤突然宣布分手。分手後更單身近三年才再有着落。

12年 8月突然宣布與黃宗澤分手,一向淡定的杏兒當年都忍唔住灑淚。

《忽然 1周》圖片

分手後杏兒就有傳被內地演員于波(右)及台灣男星黃少祺(左)力追,不過更似煲水宣傳內地劇。

網上圖片

網上圖片

去年初久旱杏兒突「自爆」找到了,原來夾埋閨密李思捷開玩笑,不過冇人識笑。

網上圖片

網上圖片

勁旺女人緣

杏兒千揀萬揀終於落手,新歡 Philip Lee被友人暱稱 Phil,有樣又有錢,亦交遊廣濶。唔只係夜店 PLAY東主,自己亦愛夜蒲,去到邊都俾女圍,人如其店,真正玩家。

除了李詩韻、張曦雯(紅圈),社交網站上 Phil生活照張張都攝自夜店、張張都被大群美女圍繞,異性緣特別旺。網上圖片

位於中環的 PLAY Club是城中潮人蒲點,由於 Phil關係,亦多圈中人幫襯。網上圖片

港姐俾人食

前女友包括 03年港姐李詩韻、 12年華姐張曦雯,現任就係 99年港姐季軍胡杏兒,金融才俊 Phil可謂新晉港姐殺手。其實港姐歷史悠久,早年水準極佳真正美貌與智慧並重,亦的確係吸引唔少城中富豪爭住做港姐殺手。

現時周旋於素人出身的落選港姐呂麗君同娛記出身甘比之中,早年大劉紅顏知己就多屬港姐,李嘉欣、蔡少芬、袁詠儀,個個都係港姐之中嘅港姐。

仁濟總理吳守基 20年來專注做港姐殺手,陳法蓉、向海嵐、楊思琦、佘詩曼、李詩韻,絕對是最佳最長紀錄保持者。

海馬主席鄔友正比起其他人不重量只重質,經典之作係先與 97年港姐亞軍李明慧拍拖訂婚,再被同屇冠軍翁嘉穗半路殺出,二女爭一男鬧劇稱得上港姐史上經典。

亞姐嫁得好

「港姐殺手」聽得多,「亞姐殺手」係咪未聽過呢?其實亞姐都係富豪寵兒,不過相對專一啲、又低調啲,通常可以開花結果仲好幸福添!

86年亞姐冠軍利智 99年成為李連杰第二任妻子,榮升荷里活級功夫巨星太座,婚後徹底隱居享福湊女。

85年季軍卿卿, 98年下嫁胡兆明,婚後移居美國,丈夫生意越做越大,有超市有銀行仲有私人飛機坐。

88年亞姐冠軍樂蓓 94年下嫁米商林烔偉,夫妻兩人經常晒恩愛,樂蓓亦榮升東華同保良主席,閒時去 ball做善事不亦樂乎。



鍾意就快D Share啦!
Related Posts Plugin for WordPress, Blogger...