拍兩日就收得工，鹿晗大把時間去瘋狂鳩嗚！
真面目
好口褔 追蹤來港 24小時 扭擰剝衫 Wyman嫖鹿晗
韓風繼續吹，估唔到竟然殺到入新年賀歲檔，今年過年唔使再睇黃百鳴同曾志偉。
繼上年的《金雞 sss》後，吳君如終於收山唔做雞轉玩鴨仔，新戲《 12金鴨》除咗自己反串做埋一份外，仲有型男古天樂、謝霆鋒同周柏豪等金鴨，原來仲有前 EXO中國籍成員鹿晗！
上週四（ 1日），鹿晗秘密來港兩日為電影開工，據知這場戲係講 Wyman嫖鴨嫖正鹿晗，拍攝鹿晗剝衫戲份時，來自韓國的工作人員非常緊張，一定要清場先肯露！
有得品嘗半裸韓星，君如今次擺明益老友喎！
上週四（ 1日），鹿晗由韓國來港開工，同行有兩男一女助手、仲有化妝、髮型師，成支軍隊來港，只係為《 12金鴨》拍攝一場戲。雖然鹿晗和劇組都非常保密，但當日仍有 300多個粉絲收到風接機，喺機場逼到鹿晗埋牆，成功甩身之後，鹿晗九秒九上車走人，先到新蒲崗排舞，週五朝早就開工拍攝。
騷肌跳 break dance
鹿晗今次拍《 12金鴨》屬客串性質，只拍一日就完成，雖然戲份唔多，但君如揀角色人選亦冇求其，曾經考慮過 EXO的 Kris吳亦凡同 SJ的崔始源，最後揀了有樣有人氣的鹿晗；唔講唔知，鹿晗在國內人氣極高，微博粉絲人數高達 466萬人， 12年 9月轉發一則曼聯微博，更打破健力士世界紀錄，評論數目達 1322萬，健力士更向他頒發「微博上最多評論博文」。
雖然係客串，不過做得金鴨當然要剝衫。鹿晗主要同飾演嫖客的 Wyman有對手戲，在高級夜場大跳 break dance，跳跳吓仲騷肌㗎！拍攝剝衫戲份時，鹿晗助手表現得極為緊張，除了要求清場外，亦不准在場人士私自影相，跟足大牌韓星規矩。
夜遊星光大道
第一晚拍完部份戲份後，鹿晗去了自遊行最愛的尖沙咀星光大道，第二日隨即再到太古城 East Hotel繼續拍攝，君如亦相當識做，拍到 3點幾就放人，鹿晗終於可以瘋狂「鳩嗚」。
講明係「鳩嗚」時間，鹿晗先到銅鑼灣時代廣場到此一遊，買杯咖啡後即轉場去中環 fing錢。身為富二代，自己又搵到，來自北京的鹿晗使錢梗係冇手軟，短短幾個鐘買了廿萬的 AP名表和 6千蚊起跳的德國名牌 Rimowa篋，又去 Joyce狂掃衫褲，離開鋪頭時全身衣物換過晒！兜個圈都跌廿萬，夠土豪呀！
《 12金鴨》多串星
除了鹿晗有份做鴨仔，君如今次出動大量人情牌，請到唔少重量級大星客串，例如 Isabella、謝霆鋒同容祖兒，真係睇少一秒都走寶呀！
|
鍾意就快D Share啦！
|
|
|
