掃呢頁CODE去手機

2015年1月7日 星期三

[FACE - 398] 不枯不散 吸引外國勢力 何詩〈撐起雨傘〉 何詩,何韻詩,MF,




27/12

喺美國登台,關淑怡即刻放好多,唱〈海闊天空〉唱到七情上面,仲叫台下觀眾一齊唱,呢啲畫面喺香港好難見到。

真面目

不枯不散 吸引外國勢力 何詩〈撐起雨傘〉

〈撐起雨傘〉呢首歌除咗何韻詩、黃耀明、葉德嫻、謝安琪外,真係好多星都唔敢唱。講到尾都係驚得罪中央,到頭來冇得北上掘金。不過何詩就越唱越大膽,上月 27號同疑似「藍絲」嘅關淑怡一齊到美國登台,何詩上台唱〈撐起雨傘〉估得到,最驚喜係關淑怡,喺香港明明現身金鐘都只話係「行過」,但去到美國即刻解放咗,同何詩一齊上台唱〈海闊天空〉!終於表明立場,何詩以後又多一個戰友喇。

〈撐起雨傘〉喺《叱咤》攞咗「我最喜愛歌曲」,台上就成班人唱,但台下就有唔少歌手驚到唔敢郁。

〈撐起雨傘〉自出街後,雖然唔少香港人都識唱,但歌手嚟計除咗黃耀明、何韻詩敢唱外,其他聽到都驚,單睇《叱咤》當日見班星硬晒軚就知講到尾都係驚阿爺秋後算賬。

唱埋〈海闊天空〉

何詩冇得北上唔緊要,上月 27日就真係吸引外國勢力,孖住好友關淑怡到美國內華達州登台。何詩上台除咗唱〈木紋〉、〈鋼鐵是怎樣煉成的〉外,當然唱〈撐起雨傘〉宣揚訊息,期間更有人喺台下高呼「我要真普選」。

阿詩表態唔係新事,但奇怪在關淑怡。上月 11日金鐘清場,當日關淑怡明明到場撐何詩,但事後就話自己「路過」,但登台當晚,喺台上就孖住何詩一齊唱〈海闊天空〉,喺台上嘅關淑怡仲叫台下觀眾「識唱朋友一齊唱」。咁飄忽,真係分唔清 SK係黃絲定藍絲喎!

難得關淑怡喺台上唱〈海闊天空〉,事後何詩喺後台即同關淑怡擊掌支持。

關淑怡同何詩關係友好,當日金鐘清場都有喺附近出現,雖然事後解釋話路過,但大家明佢做咩㗎啦。

關淑怡當日狀態不俗,唱得之餘,身形亦 fit爆,睇佢着大露背就知啦。



鍾意就快D Share啦!