2015年1月7日 星期三

[FACE - 398] 搞出人命 忘年男友溝大台姐仔  21歲模媽自殺 剝模姊妹 Amy:好多女想埋佢身 Amy,艾美琦,MF,




AD2的 Amy(左)與 3年前在私影界認識 Minnie,當年 Amy曾多次與 Siemen出去玩, Amy亦說 Siemen多女埋身。

網上圖片

真面目

搞出人命 忘年男友溝大台姐仔  21歲模媽自殺 剝模姊妹 Amy:好多女想埋佢身

上週六( 3日)一名只有 21歲,已有一女的未婚媽媽於家中企圖自殺,調查後發現,自殺女 Minnie Fung,與比她年長 30歲的 Siemen壽司店老闆同居 2年,半年前連女都生埋。

據知 Minnie2年前曾活躍私影界,與學 Mandy Lieu擒澳門賭場老細搬入「名鑄」豪宅的 Amy,和 Yogurt的 Victoria份屬好友,而 Amy更指 Siemen多女埋身:「有好多𡃁模想黐埋佢身!」而 Victoria則說:「如果佢都想同我一齊做 model,我都會支持佢同幫佢入娛樂圈!」咁多 friend撐,使乜死呀!

戀愛大過天的 Minnie,雖然只得 21歲,但已與 51歲的未婚忘年男友 Siemen育有一女。日前有傳因 Minnie發現男友與大台姐仔的合照而食藥自殺,幸好獲救,但住院期間, Siemen一直未有探望,心死 Minnie打算出院後帶女返娘家住。

Minnie自殺留院多日,男主角 Siemen連影都唔見,難怪 Minnie今次決定帶女返娘家。

《蘋果日報》圖片

Siemen雖然已經 51歲,但可能近得𡃁模多,都有鋪自拍癮。

網上圖片

中坑多女埋身

「你話佢( Siemen)多唔多女仔追,成功男人實多女仔追,我淨係知道佢嗰時係鍾情於 Minnie咋!」 Amy口中的 Siemen大情大性,咩都冇所謂。據知經營業務包括飲食、紅酒、金融的 Siemen每月只俾一萬多給 Minnie作為生活費,有時候甚至會問 Minnie攞返錢用! Amy說:「我唔評價,因為愛情唔可以完全用金錢衡量。」

Amy透露自 Minnie與 Siemen拍拖後即與眾人失去聯絡,更不知 Siemen與那個姐仔合照。「太耐無搵佢哋,最近佢哋發生乜事都唔知,咁始終係做生意,少不免要應酬,我哋旁觀者覺得正常。」

週日( 4日) Minnie獲父母和兩名女友人到醫院探望,期間與友人有講有笑,心情似乎已平伏。 Amy形容 Minnie是個溫柔體貼,文靜的好女仔,當日本刊記者上前問她近況,她雖沒有回應,但亦禮貌揮手表示不接受訪問。

已有帶女返娘家打算的 Minnie,將來可能要面對經濟問題,與 Minnie身為好友, Yogurt成員、 Cammi師妹 Victoria表示若有需要,會帶 Minnie入娛樂圈,「總之我都會喺佢身邊支持佢!」好多朋友撐你呀 Minnie!

同許冠文老死

喺筲箕灣開咗壽司鋪, Siemen請埋許冠文嚟做剪綵嘉賓兼座上客,有指 Siemen同許冠文屬多年老死,所以 Siemen亦與圈中人熟絡!

Yogurt的 Victoria(右)同樣因私影而認識 Minnie,二人更成為知心友,早排 Minnie唔開心都有同佢講,可惜都係做咗傻事。

Siemen同 Minnie個女只有半歲, Minnie真係要好好照顧 BB呀!

Minnie間中都會自拍放上網,其實模媽都有市場啫,模媽 Mia都係一個好例子吖!

網上圖片

Minnie自殺,父母都一臉憂心前往醫院探望。

港視《來生》又有類似劇情!邪呀!

剛播完大結局的港視劇《來生不做香港人》,賤男曾偉權,因老婆劉美君與他結婚多年,蛋都無隻而在內地包𡃁模二奶。由前港姐李美慧飾演後生𡃁模,與曾偉權育有一女,後來被劉美君發現而接受現金 20萬和每月 2萬生活費、住屋安排,睇錢份上李美慧諗都唔諗就應承,之後仲懷男胎霸大屋想坐正。現實生活中的 Minnie雖然唔係二奶身份,但與 Siemen同樣做得父女無名無份,每月得萬零蚊生活費,男方又係搞飲食業,講到尾,女人都係靠自己穩陣囉!

電視畫面

劇中李美慧飾演後生𡃁模二奶,最終屈就接受大婆劉美君的二奶條款。



鍾意就快D Share啦!