全知言
'15唔做唔得有啲乜？
14年好不容易渡過，踏入 15年， set目標畀自己係常識，做唔做到就其次。喺叱咤掃獎嘅 4位歌手已有目標， B餐 Kay話要練好啲功夫、 Fiona要做好國語碟、周柏豪話要 2月前還番啲歌債，至於出名瘦嘅張敬軒就話希望可以練到一排朱古力，想有個好 body同祖兒滑水喎。
增肥出海
張敬軒:★
15年一定要完成嘅一件事，我諗係增肥啦，因為演唱會之後都瘦咗十幾磅，咁我嘅 target係 140磅，有 150就更好，有 6嚿腹肌就更好，暫時得 1嚿。我諗要做運動同跟番教練，希望今年可以做歌又可以做運動，夏天前練到，希望有個好啲身型出下海，同容祖兒出海玩下。
錄國語碟
薛凱琪:★
我喺 15年一定要完成嘅事，就係快啲出新國語大碟，因為對上一次錄國語專輯已經 6年前，所以呢一個 project我同公司都隆重其事，嵋家都錄咗兩隻歌，自己都有寫咗兩隻，因為耳仔有啲唔舒服啦，錄音進度慢咗，一聽大聲耳仔就痛，所以亦想身體健康，快啲錄完專輯。
還歌債
周柏豪:★
15年我一定要完成嘅事，就係我希望把握到啲時間，應承咗要寫歌畀其他歌手，一定要盡快完成佢。唔可以冇信用呀， 14年都應承咗幾位歌手寫歌畀佢，但爭佢哋差不多一年喇，
我希望快啲可以寫到啲令佢哋滿意嘅作品。希望佢哋專輯發行到，然後大家都會喜歡啦。嵋家爭兩位歌手嘅歌，希望係二月前交到貨畀佢哋。
歌手個個有晒目標，自 14年後冷感香港人終於醒覺，雖然有啲後生仔未諗到，不過都竟然有後生仔想喺 15年爭取到真普選，香港有救喇！
|
鍾意就快D Share啦！
|
|
|
