全城熱爆的娛樂八封新聞 & 時事趣聞 & 生活 + 趣聞
MK-Pop嘅嘢，其實真係要多謝班網民，越恥笑越蓬勃，代表隊伍天堂鳥咪俾人推到上大台，開埋個人演唱會囉！雖然個場係九展唔算大，不過話晒都爆滿、有合唱有 solo，仲不停換歌衫。
即係咁，新人嚟講，天堂鳥處女騷表現算係誠意十足，臨尾仲除衫拋毛巾，但全晚高潮位當然係嘉賓 Super Girls又露腰又晒長腳，仲賣力過自己開騷多多聲，講真，如果唔係 Super Girls，全知言都可能好似祖兒咁打晒「喊露」㗎！
首次開演唱會，天堂鳥都落足力冧粉絲。
鄭俊弘（黃圈）忙住準備頒獎禮，仍然抽時間捧天堂鳥場。
表演嘉賓 Super Girls平時唔多性感，今次都肯露腰晒腿，搶晒鏡！
