[FACE - 398 - 外地娛樂] 唔玩天然呆 染谷將太異獸吸 2億 染谷將太,MF,

東瀛團

唔玩天然呆　染谷將太異獸吸 2億

日本漫畫唔只創新，最重要係極度天馬行空，所以日本片商一直都鍾意將漫畫改編拍成電影。

將於 1月尾香港上畫於日本勁收 2億港元票房的《寄生獸》，一樣是改編自著名漫畫家岩明均的同名漫畫。講述主角泉新一借助寄生體的力量，去對抗外星怪物入侵人類。聽落已覺係 cult片夾雜科幻片種。《寄》片由影后深津繪里再搭新紮上位男染谷將太主演，卡士絕對夠照。唔好睇 22歲染谷將太個樣天然呆唔夠醒，實質好好演技㗎！最近還溝掂大佢 11年的 33歲國際女星菊地凛子， 2人更於新年閃電宣布拉埋天窗，姊弟戀開花。

《寄生獸》上映日期： 1月 22日

《寄生獸》講述染谷將太飾演高中生泉新一，本來被外星異物米奇侵入體內便會被米奇控制一切，但幸運地染谷只被蠶食右手，從此人類與怪獸混為一體成了唇齒相依的關係。

《寄生獸》是漫畫家岩明均第一套較長篇的漫畫，於 1990至 1995年間連載。岩明均曾憑此漫畫獲得「第 17回講談社漫畫獎」及「第 27回星雲獎」。

《寄生獸》集合影后深津繪里、上位男優染谷將太及新晉玉女主演。除卡士超勁，連戲中怪獸米奇一樣受歡迎，早前米奇着埋西裝打呔同班演員一齊宣傳。萌爆米奇在日本大受歡迎後，最近還 hit爆台灣。

憑《惡人》一片橫掃多個影后獎嘅深津繪里，點解肯接拍 cult片《寄生獸》？

近年減產的深津繪里，難得肯放下影后包袱，以妖怪姿態示人，都算係新突破。

今次深津繪里肯拍其實大部份原因同導演山崎貴有關。據知現年屆 41歲的深津繪里自 4年前拍完《惡人》之後已開始減產，而且對 cult片沒有太大興趣，但今次因為《寄生獸》是由名導山崎貴執導，山崎貴曾拍過不少大片如《宇宙戰艦大和號》及《永遠的 O》等，所以深津對導演好有信心，經導演多次游說後，深津終於答應接拍。而導演爆料；「深津好有威嚴，每次去到拍攝現場，其他後輩即時收口唔傾偈不特止，連笑都唔敢。」

男主角染谷將太表現搞笑自然，聽講背後背負沉重壓力？

除染谷將太及深津繪里外， 18歲的新晉玉女橋本愛亦有份參演，飾演同染谷兩小無猜的同學，還一起對抗異獸入侵。

染谷將太由出道至今演過不少暴力及搞笑電影，但今次因受大導山崎貴賞識，加上要跟影后深津繪里合演，所以對自己的要求也特別高。聽講染谷拍每場戲前，都會自己對住鏡重複練戲練幾個鐘，令自己非常緊張，搞到經常失眠。不過《寄》片由 11月日本上畫至今，已高收 30億（約 2億港元）票房，有咁好成績染谷辛苦啲都值得

染谷演戲同溝女都叻，元旦日仲宣布同大自己 11年嘅菊地凛子結婚喎？

踏入 2015年，染谷即發表聲明，表示已與大自己 11年即 33歲的菊地凛子登記結婚成為夫婦。還表示今後將與凛子以家人身份互相扶持，共築讓人感到幸福的家庭。

上年 11月染谷同菊地凛子被影到喺街頭又攬又錫。呢對姐弟戀，拍拖唔夠 1年已閃電結婚，唔少人懷疑佢哋奉子成婚。

鍾意就快D Share啦！

下一篇 》