[FACE - 398 - 大專校園] 窮飛龍女徒變演員 「我淨係鍾意做戲！」 MF,

雖然娜美鍾意做戲，不過佢話最想係從商，「拍 YouTube興趣嚟嘅，邊搵到飯食㗎！」

U Spy

窮飛龍女徒變演員　「我淨係鍾意做戲！」

講流行曲二次創作，無人唔識窮飛龍，不過點都估唔到本來跟窮飛龍學填詞嘅中五妹娜美，學學吓竟然變咗做演員。

一個填詞班令娜美變成飛龍嘅愛將，個個星期幫窮飛龍（黃圈）拍片，娜美（右）自己都估唔到，仲形容 YouTube好似「藝員訓練班」幫自己練戲！

佢同 Spy講：「上年跟飛龍學填詞，咁啱有次飛龍拍片要茄喱啡，佢搵我幫手，直至𠵱家每星期一次幫佢一齊拍片做演員，雖然連車馬費都冇，但我又冇所謂，拍得開心咪得囉！雖然只係做網絡演員，估唔到學校啲老師都有追我哋演出，仲問我幾時會出片，有時仲會建議我應該點演，有咩位要改善，有朋友都問我點解唔自己開個人頻道，其實我由始至終都對後期製作冇興趣，我淨係鍾意做戲㗎咋！」

娜美（曾芷婷）

頻道： Smilemiann

學校：聖芳濟各書院 F.5

鍾意就快D Share啦！

下一篇 》