捱殘戴頸枕
王祖藍帶住頸枕行出酒店，單睇個樣就知唔夠瞓，不過都係為咗搵老婆本，幾辛苦都值得嘅！
真面目
老婆本 夫妻檔強國吸金 王祖藍：娶到一位公主！
成功向李亞男求婚嘅王祖藍，上月 22日終於完成婚姻登記手續，嚟緊情人節當日就會教堂行禮，之後仲會喺迪士尼擺 50圍喜酒添！婚禮在即，王祖藍都好努力周圍搵銀，上月底仲帶埋李亞男夫妻檔到上海做節目，兩公婆由早排舞排到晚，錄影到凌晨先收工，瞓咗幾粒鐘又要 check out返香港，難怪捱到殘！不過在節目中就大講愛的宣言，直言「娶到個公主」！王太冧爆
喺台慶當晚當眾向李亞男求婚嘅王祖藍，雖然事後被指為救收視做大龍鳳，不過你有你插，鏡頭前後兩人一樣煙韌。計仔多多嘅王祖藍，仲帶埋李亞男以夫妻檔登台，實行有錢兩公婆齊齊搵。
自爆矮 13cm
靠模仿功架成功在內地闖出名堂的王祖藍，今次孖住李亞男，以夫妻檔擔任《與星共舞》的表演嘉賓。正式落場前，王祖藍先宣讀愛的宣言︰「我的未婚妻是溫哥華國際華裔小姐冠軍，比我高 13公分，我追了她 5年，好辛苦！直到上個月，她接受我求婚戒指，那一天，我才覺得我終於配得上她！」冧爆李亞男，又炒熱現場氣氛，之後兩人就孖住跳 Cha Cha，祖藍仲大讚老婆跳得好添！
接近凌晨 1點，王祖藍先錄完節目，之後就等李亞男齊齊大擦麻辣火鍋，食到凌晨 3點先返酒店休息。隔日一早，王祖藍同李亞男已經執好行李準備離開，明顯未瞓醒嘅王祖藍，頸上依然帶住頸枕，一對「熊貓眼」現晒出嚟，話晒𠵱家要養起頭家，祖藍梗係要勤力啲
足本愛的宣言
「我從小不是出身在有錢的家庭，爸爸媽媽是很普通的香港人，我長得不漂亮，個子比較矮小，可是我一直都希望能夠娶到一位公主。最好的方法，也是最笨的方法，就是堅持和努力！別人用 7分的努力，我就用 12分的，別人站着，我就走……我的未婚妻是來自溫哥華國際華誼小姐冠軍，她比我高 13公分，我追了她 5年，好辛苦！直到上個月，她接受我求婚的戒指，直到那一天，我才覺得我終於配得上她！而且我想對自己說，王祖藍，你不是全部靠運氣的！」
強國騷王
王祖藍以前就孤身寡佬，但婚後要養起頭家，點都要搵多啲，趁住內地有人氣，梗係向住呢舊「肥豬肉」進發，咩騷都接，唔通仲留係大台慢慢捱騾仔咩！
|
鍾意就快D Share啦！
|
|
|
