2015年2月11日 星期三

[FACE - 403] 大翻身 搣甩小三味  Liddy全裸搏反彈 Liddy,BKD_S,李悅彤,MF,




Liddy在《四非》中飾演一樓一,唔止衣着性感,其中一幕仲要冇清場下全裸沖涼,為部戲搏到盡!

真面目

大翻身 搣甩小三味  Liddy全裸搏反彈

去年 5月,同有婦之夫彭順偷情斷正響朵嘅李悅彤( Liddy),事隔半年,雙方各散東西,彭順繼續補鑊做跟得老公, Liddy就會主演新戲《四非》全面復出。據知 Liddy新戲角色極大膽,除講粗口、性感內衣褲上陣兼有自慰場口,新片夠話題,上週本刊更發現佢一支公到花墟辦年貨兼揀桃花,實行催旺人緣羊年再上路。








Liddy同彭順偷食斷正,再經歷埋父親吞槍自殺雙重打擊,不幸遭遇亦惹來同情,原本諗住退出娛圈嘅 Liddy,下月就會為主演嘅新戲《四非》復出宣傳。

新戲《四非》中, Liddy大多數都係以內衣褲上陣,仲要不時要爆粗,好大 r犧牲㗎!

Liddy雖然同周柏豪冇激情肉搏戲,不過意識大膽場面就一幕接一幕,自摸當然唔少得。

Liddy戲中飾演一個充滿仇恨的孤兒,為咗幫媽咪報仇而接近周柏豪,仲因為好多內心戲,拍攝當時心情長期低落,連對住工作人員都冇笑容,話要同佢哋講聲好唔好意思。

Liddy因為同彭順偷情斷正而成為小三,事隔半年, Liddy都唔想舊事重提,仲話自己以後都唔會亂拍拖,凡事都以工作行先。

全裸冇清場

新戲《四非》係 Liddy第一部主演電影,角色同演技都不容忽視。

Liddy新戲的角色極富發揮,戲中飾演一名充滿仇恨的孤兒,為生計而出賣肉體,大多數時間都只係以內衣褲上陣。角色造型有睇頭,仲有唔少大膽意識場面,好似要自摸,兼當住成個攝影團隊全裸沖涼,為部戲搏到盡! Liddy說:「自己克服咗好耐,在場又有幾百對眼望住,真係覺得好尷尬!至於拍嘅時候好多時都要嗌 cut機,因為乳貼遇水就會甩,要即刻搵人幫手黐番好!真係好難忘,可以嘗試到高難度挑戰!」

唔要假桃花

下月便復工,本刊早前發現 Liddy單拖到花墟掃年貨兼買桃花。當日 Liddy先行專門賣假花的鋪頭,一入鋪就睇桃花,不過行完一圈就閃人,原來嫌假桃花唔吉利,之後轉到樓下揀年貨,「年年都會買桃花,因為好意頭,自己又鍾意花!(催旺桃花?)冇話要催旺桃花,如果緣份嚟嘅話都擋唔住嘅!𠵱家會當每一個 job都係最後一個 job去做!」

花墟買桃花盡谷

Liddy買咗紮鐘花,不過對桃花始終都係念念不忘,揀唔啱心水,最後仲扁埋咀。

Liddy買花順便辦年貨,佢話新年會陪住媽咪,而情人節就有班姊妹陪,一啲都唔孤獨。

Liddy最初揀咗 5紮假桃花,之後行完一圈後又返番原位。

Liddy先被爆搭上有婦之夫彭順,再經歷父親吞槍自殺嘅雙重打擊後,幸好有母女互相扶持先企番起身。《蘋果日報》圖片

電視畫面

套套重口味

今年有唔少港產片都以重口味打響招牌,除阿 Sa喺新戲《雛妓》爆粗「我有俾你 X㗎!」值得關注外,其中 2套都係金馬影后吳家麗出品,都係有味驚慄片。

爆粗阿 Sa

《雛妓》劇情圍繞妓女話題,而阿 Sa蔡卓妍更憑住一句:「我有俾你 X㗎!」成為網民熱話,最近仲有裸背劇照流出,搏到盡。

泰國殺妓

吳家麗監製兼主演嘅電影《花街柳巷》,劇情以泰國早前妓女連環被殺為藍本,又血腥又重口味。

變態屠夫

吳家麗監製新戲《有客到》有 3個單元,其中 Eric Kwok仲會飾演變態屠夫。

鍾意就快D Share啦!
Related Posts Plugin for WordPress, Blogger...