2015年2月11日 星期三

[FACE - 403 - 外地娛樂] 帶定紙巾啦 多啦 A夢陪你感動過年 MF,




《 Stand by Me:多啦 A夢 3D》中,多啦 A夢令大雄得到幸福後,必須離開,臨走仲喊住講:「真係要走喇!」相信好多人都好唔捨得。

東瀛團

帶定紙巾啦 多啦 A夢陪你感動過年

近年《多啦 A夢》電影,每年暑假都會到訪香港,同一家大細笑住歷險。但今年的多啦 A夢劇場版:《 Stand by Me:多啦 A夢 3D》比較特別,不單是首部採用 3D製作的多啦 A夢電影,更是資深配音員林保全先生的最後遺作,對港人來說特別有意義。

《 Stand by Me:多啦 A夢 3D》,除製作大革新,還找來《寄生獸》導演山崎貴執導,今次唔再玩歷險,反而玩煽情,講番多啦 A夢身世,同大家感動過年,提醒大家入場前記得帶定紙巾抹眼淚。

《 Stand by Me:多啦 A夢 3D》

上映日期: 2月 19日

由「叮噹」年代至現時「多啦 A夢」,幫「多啦 A夢」配足 32年音的配音大師林保全,於上月初離逝,上年 8月所配的《 Stand by Me:多啦 A夢 3D》成為他的最後配音作品。

今次故事講大雄後代帶咗隻機械貓由未來來到現在,目的是要告知現時的大雄如果太懦弱會連累後代,為扭轉命運,多啦 A夢留下幫大雄改變命運,但當大雄生性長大後,多啦 A夢便功成身退離開大雄,聽到都想喊。

1.《 Stand by Me:多啦 A夢 3D》跟以往的多啦 A夢電影有咩唔同?

導演山崎貴(右)近年執導過《永遠的 O》及《寄生獸》等大片,套套賣座。今次出手幫《 Stand by Me:多啦 A夢 3D》執導,實行大改革,將一貫嘻嘻哈哈的劇種變成煽情,確實好創新。

今次電影內容是改編自原著漫畫系列中的第 1卷《從未來國度遠道而來》第 6卷《再見、多啦 A夢》同第 25卷《大雄結婚前夕》而成。近年不少動畫改以 3D特效製作,所以今次電影公司亦實行改革,將《 Stand by Me:多啦 A夢 3D》製作成 3D版本,更搵埋日本大導山崎貴出手執導,將以往嘻嘻哈哈的劇情,變得煽情、更人性化,適合成年觀眾口味多過小朋友。

2.《 Stand》片上年暑假已在日本上畫,成績好勁?

今次是《多啦 A夢》電影系列中,首次用上 3D特效製作,相信第一次睇到大雄及多啦 A夢由 2D平面公仔變成 3D立體公仔,一定唔多習慣。

係呀!因為《 Stand》片標榜首部以 CG打造的多啦 A夢電影,所以去年 8月頭在日本推出,即打低同期上畫的荷里活大片《變形金剛:殲滅世紀》成票房冠軍。埋單計數,票房更高達 84億日圓(約 5億 5千萬港元),話晒多啦 A夢始終是日本殿堂級動畫,咁收得當然是意料中事!

3.想懷念保全叔,除咗睇《多啦 A夢》電影,仲有乜嘢辦法?

位於銅鑼灣希慎廣場的「多啦 A夢 Pop-up Store」,將出售多款多啦 A夢珍藏精品,掃完貨記得同架宣傳車合照呀。

多啦 A夢御用配音員林保全離世,令唔少香港市民感惋惜,如大家想再聽到保全叔的聲音,由現時至本月 22日為止可親臨位於銅鑼灣希慎廣場的「多啦 A夢 Pop-up store」,因現場會播放由保全叔去年特意錄製的 5句聲帶,包括為人熟悉的「你睇!多啦 A夢嚟」現場還會發售多款多啦 A夢珍藏紀念品,多啦 A夢迷,點可以唔去?

鍾意就快D Share啦!
Related Posts Plugin for WordPress, Blogger...