2015年2月11日 星期三

[FACE - 403 - 外地娛樂] 男神怎樣煉成的?周元教路眼神最重要 周元,MF,




《我要做男神》中,男主角周元由老土怪變潮人,早前接受訪問時,周元亦自認本身唔識打扮,經常着同一件褸出街,不過只要有自信,加埋堅定嘅眼神,就會變得有吸引力。

韓飯台

男神怎樣煉成的?周元教路眼神最重要

近年唔只荷里活及日本鍾意將漫畫改編成電影,呢股風氣最近仲吹到去韓國。由韓劇《明日如歌》男主角周元主演的最新電影《我要做男神》,便改編自超過 5億點擊率的人氣網絡漫畫。

《我要做男神》集合上位男優周元,新人王安宰賢及 f(x)靚女偶像 Sulli合演,卡士冇得輸。最難得係男女主角周元及 Sulli肯放下偶像包袱扮冬菇頭戇男及四眼醜女,周元更自信爆棚教大家點變男神:「眼神最重要!」







Q1《我要做男神》中,周元要由戇男變男神,要具備乜嘢條件?

《我》片裏面,周元飾演一名高中生啟明,為贏得女神芳心,打扮老土的他決意大改造變成男神。講到做男神的條件,早前周元出席宣傳活動時便袋錢落大家袋:「一個人眼神最重要,無論老土或新潮,又或者着運動衫或禮服,都要配合一雙自信的眼神,只要眼神可以表達到真我,我就覺得好有吸引力。」

片中周元示範了不少潮 look,但呢款花花西裝再配金絲眼鏡,好土豪 feel囉!

由網絡漫畫改編的《我要做男神》,講高中生啟明(周元飾),原本打扮老土冇人吼,但因想贏得女神惠真芳心,決意改造自己成為潮人吸引惠真注意。

Q2聽講 Sulli扮醜女扮得好開心?

Sulli自爆為飾演醜女,拍攝期間晚晚食拉麵當宵夜,卒之日日起身都面腫腫去開工。

加入 f(x)6年,但上年被 SM Entertainment宣布暫停演藝活動的 Sulli,一直以靚女見稱,但在《我》片中飾演為專注學業而忽略打扮的醜女,早前受訪時便自爆:「我覺得扮醜女好有挑戰性,所以拍攝時我好努力去扮醜,而且發覺扮得愈醜,現場觀眾的反應愈好。」

Q3首次拍電影的安宰賢,有冇覺得好大壓力?

《我》片內,安宰賢與周元一齊爭女,但私底下非常老友,等埋位時安宰賢還會教周元行天橋心得。

今次安宰賢雖飾演一名高大靚仔的富二代,不少人認為安宰賢只是做回自己,絕對是 easy job。但有說《我》片是安宰賢入行以來的處男電影,因擔心自己演得不好,所以好大壓力,搞到做開 model的安宰賢為以最 fit狀態示人,拍攝前狂做健身,試過做過龍搞到雙手發抖要暫停健身囉!

鍾意就快D Share啦!
Related Posts Plugin for WordPress, Blogger...