2015年4月2日 星期四

郭可盈母女好幸福 [壹週刊 - 1308] 郭可盈,M1,



俾郭可盈拖住嘅天若,聽媽咪話同《壹》仔揮手打招呼。

同你吟一吟

郭可盈母女好幸福

香港地,絕大部分家庭都係公一份婆一份,屋企小朋友,要交俾老人家或者外傭姐姐照顧。不過,即使經濟環境許可,好多阿太都唔願做全職媽咪。

年過四張先有嘅郭可盈就唔同,打從囡囡天若出世,唔接劇,就算廣告或商演活動,五年來數埋冇幾個,將時間全部俾晒個女同照顧家庭。

上星期四(三月二十六日),郭可盈帶住五歲嘅天若同埋外傭姐姐一齊去圓方睇《仙履奇緣》,睇完戲再去買玩具,天若全程有媽咪拖住,唔似其他小朋友,鍾意黐外傭姐姐。

喺小朋友未有自己嘅社交圈前,共享佢哋嘅童年,媽咪又好,小朋友又好,實在幸福!但可以咁做嘅,亦真係唔多。咁奢侈嘅幸福,喺郭可盈母女面上,就睇得到。

買好飛,郭可盈幫囡囡同 Frozen影相,五歲嘅天若,笑得好開心。

等入場,兩母女望住《五個小孩的校長》宣傳板,好有興趣。

睇完戲再去揀玩具,天若大豐收日。

鍾意就快D Share啦!
Related Posts Plugin for WordPress, Blogger...