全城熱爆的娛樂八封新聞 & 時事趣聞 & 生活 + 趣聞
坐响場邊打氣嘅林曉峰同康子妮，睇到好肉緊。
同康子妮結婚後即刻開工，兩年抱兩嘅林曉峰，兩個寶貝仔三年前俾學校推薦參加香港體育學院羽毛球精英訓練，兩兄弟至今打過唔少公開賽。
早排林寶要出賽雙打，林曉峰兩公婆亦有到場打氣。現場所見，十一歲嘅林寶，落場有姿勢有實際，雖然唔高，但跳起殺波，啪啪聲！打完一場，林寶走埋場邊同老豆傾咗陣，有參加公開賽經驗嘅阿 Lo，同個仔研究戰術，一臉認真。要讀書，又要接受特訓，林曉峰並唔擔心兩個仔學業受到影響，反而覺得佢哋有機會受訓成為運動員，唔會變得嬌生慣養。之唔係，打波點都好過打機
林寶參加雙打賽事，殺波救波，有姿勢有實際。
林曉峰手指指認真教路，比落場嘅林寶仲緊張。
比哥哥細一年嘅林熙，同爹哋媽咪一樣，已經要戴眼鏡。
