全城熱爆的娛樂八封新聞 & 時事趣聞 & 生活 + 趣聞
鄭敬基將所有頭髮全向前梳，企圖製造豐盈幻覺，得啖笑。
今時今日，女人要僭建執樣，唔一定要鼓起勇氣去動刀做整容手術，無論想搣走豬下青變 V下巴，抑或去皺走眼袋，打支針已經搞掂， easy!
不過，醫學美容再厲害，都未先進到可以幫人生髮，解男人最痛。嫌植髮花錢花時間，戴假髮又會異相， 52歲鄭敬基選擇抄韓星，將頭髮全部向前梳，掩藏後移髮線。之但係，女人冇肉，谷胸就話可以搵砵仔糕幫手 push，但頭髮唔多又薄嘅鄭敬基，搏命梳前一樣冇厘質感，呢吓假動作，不但製造出嚇人幻覺，仲超好笑！
食完飯，鄭敬基同朋友（箭嘴）入去超市買早餐粟米片，但揀完又放低走咗去。
落到港鐵，去觀塘嘅鄭敬基同朋友分道揚鑣。
