2015年4月2日 星期四

半世紀緣盡出走大台 李司棋:一年冇工開 [壹週刊 - 1308] 李司棋,M1,



若非為剛出街的《水髮胭脂》宣傳,根本不知司棋姐已經離巢。

探熱針

半世紀緣盡出走大台 李司棋:一年冇工開

曾是無綫鎮台花旦,又是視后的李司棋,宣布最近出街的新劇《水髮胭脂》是出走大台告別作;原來早在去年底她已無聲無息跟合作四十多年的無綫畫上句號。

捨棄半世紀賓主關係,原因是工作量少之又少。一年冇工開,催化 64歲好李司棋下定決心。豁出去的她沒有後悔:「離開 TVB係啱我。」

一年完全冇工開

六八年中學畢業後,加入無綫的李司棋,除了因為舉家移民加拿大及九九年患過重病需要休養,從不跳槽的她在大台一待超過四十年;去年十二月初正式約滿,她選擇在六十四歲之齡跳出安全區外闖。據悉,約滿前公司曾斟司棋姐接拍《巨輪 2》,亦遭她婉拒。

「一直當 TVB係我屋企,過往冇打算出去闖蕩,我性格係簽咗約就乜都做唔會 say no。雖然公司仲對我好好,但活到呢個年頭,就覺得一張合約會俾到壓力我,尤其係呢兩年冇乜嘢俾我做,我冇問點解,因咁多年都係聽從公司分配,公司冇俾戲我做都冇符。

「有一年完全冇工開(一三年),等吓等吓又到十二月,似乎張合約都冇咩用,咁就無謂俾張約困住。我想睇吓外面嘅世界,揀自己想拍嘅嘢。計劃接拍內地劇,因我講得流利普通話。」司棋姐說。

在《巨輪》飾演蕭正楠母親的她不慍不火,離巢後她索性拒演《巨輪 2》。

曾替不少電影配國語對白,加上爐火純青演技,司棋姐北上搵真銀不愁出路。

若非為剛出街的《水髮胭脂》宣傳,根本不知司棋姐已經離巢。

拒接行企閒角

唔肯接拍《巨輪 2》,李司棋稱因為找不到留低再演這套劇的理由。

「上一集《巨輪》角色都咁老,再做落去我仲可以做咩?雖然佢哋話故事係寫過一個新嘅,但我都話唔好喇,決定咗走就撇脫啲。再講,《巨輪 2》五月開,外面已經有工作聯繫中,我唔可以叫人等我半年。」活過半百,李司棋深明沒有永遠的女主角,對公司她只有一個要求,就是不做行行企企的角色。

昔日當家花旦,到老照贏視后,也曾獲頒發最高殊榮的萬千星輝藝人大獎。但大台如何看待,又是另一回事!李司棋提到「兩年冇乜工開」是一二年拍罷《心路 GPS》及《巨輪》後,一三年真空,翌年也只拍了一部《水髮胭脂》。

當年三位平起平坐的無綫當家花旦,今日黃淑儀跟無綫只是部頭約,司棋姐離巢,唯獨阿姐在大台四十幾年寸步不離。

07年,年過半百的她憑《溏心風暴》贏視后,愛女專程從加國返港賀母。

10年她獲頒無綫最高殊榮的萬千光輝大獎,但三年後她遭冷待冇工開。

灑脫出走娘家,樂得自在的司棋姐花半年時間學畫畫。當日她在手機顯示照片中的櫈畫,是她女兒即興之作,兩母女有藝術天分。

大台走寶

近年大台頻頻走寶。大把粉絲的林峯離巢、廖啟智跳出大台後,演出屢成焦點,就連周家怡一過港視,在《導火新聞線》即發光發亮。

林 峯

周家怡

廖啟智



唔會下錯決定

被忽然冷待,司棋姐想得阿 Q!「我當休息,咁啱亦撞正我私事忙,喺中山買咗間屋要裝修,嗰陣就算你(公司)嗌我返(拍劇)我都唔方便,所以冇去問點解冇工開,費事一問叫我開工咁點搞!」

司棋姐說,下定決心「出走」,事前毫無掙扎。

「天下無不散之筵席!以前 TVB同依家唔同,以前嘅我跟依家亦有唔同。時移勢易,我去到呢個年頭,應該唔會做錯決定。其他人離開 TVB未必係啱,但我離開 TVB係啱。」司棋姐說。

TVB又「走寶」。

95年《真情》的「善姨」一角,令回巢的司棋姐從此奠定慈母形象。

選美出身的司棋姐, 68年當上香港公主冠軍,臨老又奪視后,星途璀璨。

經典無數

68年,未夠秤的李司棋以「高荊慧」名字參選香港公主獲冠軍後,被蔡和平邀請加入無綫,為《歡樂今宵》演出兼擔任助理編導,及後加入配音組,為外語劇《合家歡》中的「小寶」配音獲好評,台前幕後兼一身。

出道以來,演出多部經典劇,憑《啼笑姻緣》及《強人》等躍身成當家花旦,與汪明荃、黃淑儀及趙雅芝在無綫平起平坐,成為四大鎮台之寶。

68年

演出《歡樂今宵》集演員編導於一身。

74年

成名作《啼笑姻緣》。

78年

《強人》短髮造型成潮流。

3張扮學生

《輪流轉》敗在劇本,成了她唯一被對手打低,腰斬的作品。

80風光

《無雙譜》,她一直是監製甘國亮的愛將。

81年《逐個捉》造型劇情充滿玩味。

《山水有相逢》成經典。

曾患癌骨枯

81年

另一經典劇《流氓皇帝》,當時 30歲的她由少女演到老。

85年,李司棋舉家移民加拿大,與法醫官丈夫葉志鵬婚姻觸礁後,再回流重返無綫。其後憑千集處境劇《真情》的「善姨」一角,慈母角色深入民心。到 99年,因患子宮頸癌以致骨枯,需枴杖代步被迫退下休養。

奇跡康復後,李司棋 07年再一次重返無綫演出《溏心風暴》的「大契」,縱使在劇中所佔戲份不是最多,仍打破年輕花旦當道之勢,贏得視后。翌年再憑姊妹作《溏心風暴之家好月圓》,奪最喜愛角色獎。 10年李司棋獲無綫頒發最高殊榮的萬千光輝藝人大獎,成為首位在頒獎禮掃走三個大獎的藝人。

鍾意就快D Share啦!
Related Posts Plugin for WordPress, Blogger...