細妹阿麗：我是一個兵，來自老百姓！(設計對白)
爆壹爆
淫賤姊妹花 自稱解放軍
最近，網上熱論女解放軍殺到，原來指深水埗兩名鳳姐，說她們不單是親生姊妹和同室賣淫，最驚人的是，兩人未來香港前，都是在軍區服役，做過解放軍。
爆哥八卦走去兩人位於桂林街的鳳樓八吓，發現兩人樣貌和身形十分相似，家姐叫 Carman，妹妹叫阿麗，並向爆哥承認是親生姊妹，來自遼寧省瀋陽市。
阿麗表示，她們的老家在瀋陽八一軍區，並說住在那裡的人，都是軍人世家，她也不例外。她又說，她的父親在瀋陽軍區衞校從事化學研究工作，母親則在衞校內教軍人語文，她和大家姐 Carman在軍校就讀骨傷科，另一名姊姊則修讀通訊課程。
完成三年課程後，阿麗成為正式軍人，在軍隊內實習了三年。她說：「有學過（射擊），一定學，每一個訓練項目都有，如拿槍姿勢、爬着行等，都要的……如果不接受訓練，真正打仗的時候，你作為軍人，隨時要準備上戰場，如果你聽到炮聲便驚，便怕，怎上戰場呢？」至於家姐 Carman，雖然完成了三年的骨傷科課程，進入軍隊，但她笑說自己是逃兵，「我很短（時間），我是逃兵來的，我很早便出來到了深圳，之後（嫁）來了香港。」
為什麼會由軍人至淪落風塵？阿麗說，大約十年前姐姐 Carman離開軍隊來到深圳，並和一名香港男子結婚，誕下一名兒子。但沒多久便離婚，阿麗看到 Carman一個女人帶着一名小孩，又要上班又要打理家務，她決定離開軍隊到深圳，幫家姐照顧兒子。其後 Carman來港生活，阿麗便花了十多萬假結婚，終獲得單程證來港定居。由於學歷不高，又要還債，所以便和姐姐一同賣淫，並在成人網頁上標榜自己曾經從軍……希望能吸引客人幻想，姊妹花能把從軍所學的擒拿手或野戰術，應用在床上。
中國龜公玩轉日本政壇
日本新宿嘅歌舞伎町，係嫖客一生必去的朝聖之地。
喺呢個傳統東瀛尋歡之地，竟然有一個叫李小牧嘅中國人，在內打滾了廿七年，靠在新宿街頭做龜公（賣淫扯皮條）發跡，專門介紹嫖客去色情場所玩樂。後來好多中國留學生或者過期居留者，都跟佢走上扯皮條之路，最盛時期，成個新宿扯皮條都係小牧旗下。
發財之後，佢响日本開餐廳，出自傳《歌舞伎町案內人》，近年甚至頻頻上大陸電視節目，仲分析埋中日關係，認真係食盡中日兩家茶禮。
今年五十四歲嘅佢，一生傳奇，最新搞作竟然係出戰下月廿六日嘅東京新宿區區議員選舉。爆哥同李小牧，多年來都分屬老友，去親日本都會搵佢食飯飲酒，今次佢參選，梗係即刻打俾佢八吓啦。
李小牧劈頭第一句就話︰「參選區議員，是做給十三億中國人看的。因為中國沒有選舉權，沒有被選舉權，我變成日本人以後，可以參選，當然是很光榮的事。」李小牧話啱啱先入籍日本，就俾日本第一大反對黨民主黨睇中，招攬成為第一個參選區議員嘅大陸人。話就話日本人接納佢參選議會，但宣傳單張介紹，仲係用支那人字眼，都幾歧視。
對於勝算，佢坦言話只有「一半一半」，而家由朝到晚都孭住個大聲公，喺新宿街頭叫人支持佢。爆哥聽聞而家新宿變成專劏中國遊客區，連街上都有普通話廣播，大意係小心美人陷阱，飲醉酒搶財物等。問小牧點解搞成咁，佢話係有中國人和日本人夾埋做世界喎。
爆哥望住佢而家一副正經八百嘅樣，不禁回想起十幾年前，喺同一個地方，李小牧邊站在新宿街頭抽煙、邊拉嫖客嘅樣，真係十年人事幾番新，幕幕新奇鑊鑊甘。
國內八十後仇外當遊戲
爆哥都有唔少國內朋友，但唔同年齡層睇法有好大分別。近排香港反水貨運動嚇唔到水貨佬，反而嚇怕唔少喜歡來港玩嘅大陸人，近日有朋友來香港，就話國內親友不斷微信問候：「有冇俾人打？」「有冇俾人踢？」講到香港成個罪惡之城咁。而且個朋友話，大陸七十後經歷多，正所謂上山下鄉咩未見過，所以對住香港仇華情緒都唔係好介意，反而八、九十後就好激動，見到網上踢大陸人影片就熱血沸騰，掀起好大仇港情緒，雖然佢哋好多未來過香港。
講起仇外，大陸年輕一輩仲特別仇日，可能睇得國內抗日戰爭片多。有朋友仲講，大陸呢排流行一種遊戲，就係玩射箭，十蚊人仔射十五支箭，最特別係箭靶貼上日本首相安倍個樣，備受大陸人歡迎，射到安倍成頭都係窿就最正，而家好多旅遊景點都有呢個遊戲。睇睇吓，認真無聊，咁樣同灣仔鵝頸橋底打小人有咩分別呢，成熟啲啦，中國人。
爆哥乜料
金融界撈家，穿梭黑白政商界，朋友遍布旺角至中環，每星期都八到唔同料，同《壹》仔讀者過吓癮！
|
鍾意就快D Share啦！
|
|
|
