全城熱爆的娛樂八封新聞 & 時事趣聞 & 生活 + 趣聞
鞠躬之外，發嫂亦有喺弔唁冊上留言寫低感受。
耗盡半生，用一份堅持，將不可能變成可能嘅新加坡精神領袖李光耀與世長辭。上星期三（二十五日），有讀者去金鐘新加坡總領事館鞠躬，見到發嫂陳薈蓮，送別國父，喊過嘅發嫂離開時仲要攞住紙巾抹鼻。
李光耀過身，對新加坡國民嚟講，同自己家人走咗冇分別，二五同八珍講，信基督教嘅發嫂屋企有兩本 Bible，一本聖經，一本喺李光耀自傳，呢兩本書，都令佢畢生受用。不論功過，可以將一個全無資源嘅第三世界地方，發展成第一世界國家，李光耀絕對值得世人學習，就算有唔啱使唔啱睇之處，都應該袋住先。
攞完籌，仲要等候分批入，其間發嫂同啲同鄉有傾有講。
