掃呢頁CODE去手機

2015年4月2日 星期四

41歲宮澤理惠打晒褶 [壹週刊 - 1308] 宮澤理惠,M1,



繑住防腐天王郭富城行紅地氈嘅宮澤理惠,頸以下,頂呱呱!可惜塊面隔十呎遠都見到褶。

同你吟一吟

41歲宮澤理惠打晒褶

第九屆亞洲電影大獎上星期三(三月二十五日)喺澳門威尼斯人劇場舉行頒獎禮,舊年做過金馬獎評審嘅郭富城,今次亦係評審委員之一,大會仲安排佢傍住有份角逐最佳女主角嘅宮澤理惠,壓軸行紅地氈。

41歲宮澤前低 V後露背,本來幾養眼,可惜塊面瘦到起風琴褶,好掃興!

是夜代表香港出席頒獎禮仲有黃秋生、王菀之同負責頒最佳剪接獎嘅張兆輝;至於 Neway新抱諸葛紫岐,就以星韜娛樂公司老闆身份出席,提到公司五月會開部新戲搵最近被指失場態度差,俾中國星老闆向華強飛咗出《封神榜》嘅張栢芝做其中一個女主角, Neway新抱仲讚對方好專業,唔擔心佢會失場!

諸葛紫岐,你攞嚟講吓㗎咋!

韓國女星裴斗娜,砌低宮澤理惠、鞏俐、趙薇、湯唯,成為第九屆亞洲電影大獎影后。

同龔慈恩孖咇到嘅張兆輝,是夜負責頒最佳剪接獎。

出席頒獎禮嘅港星,仲有黃秋生同王菀之。

十六個月大嘅囝囝 Arthur已經返學前班,諸葛紫岐得老公薛嘉麟批准,搞娛樂公司開戲拍劇,佢仲話傾緊因失場俾中國星換角嘅張栢芝,勇!

鍾意就快D Share啦!