2015年4月2日 星期四

湯盈盈再懷孕 錢嘉樂認: 16年做爸爸! [壹週刊 - 1308] 盈盈,錢嘉樂,湯盈盈,M1,



錢嘉樂一直想囡囡凱晴有個伴,湯盈盈現已懷有第二胎,四十九歲的嘉樂有心有力。

探熱針

湯盈盈再懷孕 錢嘉樂認: 16年做爸爸!

錢嘉樂和湯盈盈的女兒錢凱晴( Alyssa)已經兩歲,兩公婆剛自爆計劃生第二胎,四十九歲的錢嘉樂有心有力,話咁易又中。佗 B未足三個月,不過性格鬼妹的湯盈盈唔怕 BB小氣,忍不住同身邊好友分享。再做老豆,錢嘉樂開心到出面,直認:「一六年再做爸爸!」

高齡懷孕緊張

一家三口本來住西貢匡湖居,但囡囡凱晴將要入學,加上不想大肚婆舟車勞頓,早前錢嘉樂舉家搬到湯盈盈位於北角半山的舊居。

「盈盈六月生日就四十歲,係高齡產婦,懷孕初期容易攰,所以嘉樂叫佢唔好走動咁多,要留喺屋企安胎。加上盈盈個人對乜都好認真着緊,好似之前囡囡俾啲網友話唔靚,佢傷心到喊,嘉樂都有安慰佢,叫佢唔好咁緊張,要保持心情輕鬆。其實都未足三個月,但盈盈太開心,忍唔住話晒俾成班朋友聽,始終係個鬼婆,冇乜避忌,亦冇特別進補,都係乜都食!」身邊人說。

孕味濃

上月盈盈出席美容活動時,手腳有點發胖,孕樣初現。

錢嘉樂去睇陳志健打拳時,講到再做爸爸,難掩喜悅。

想個女有伴

日前,錢嘉樂暫時撇甩妻女,為陳志健的拳賽撐場時,亦難掩興奮心情。

壹:壹週刊 錢:錢嘉樂

壹:幾時再做老豆?

錢:希望一六年

壹:已經有咗?

錢:希望啦,都係計劃嘅,想個女有伴,兩姊弟又好,兩姊妹又好,年齡唔會差咁遠囉。好似我同阿哥錢小豪一樣,差唔多年紀,由細到大可以玩埋同一樣嘢,冇隔膜。

壹:幾時可以公開講?

錢:希望快啲可以話俾大家聽啦,我一六年會做導演,希望一六年喺現實中做爸爸,電影方面又再做爸爸,因為一部電影係導演個 BB嘛,所以一六年對我係非常重要嘅一年。

湯盈盈十分着緊女兒的學業,才兩歲已帶她去英國文化協會學英文。

早前囡囡兩歲生日,嘉樂和盈盈為她在迪士尼搞生日會。

自成為人母後,湯盈盈經常跟汪琳和文頌嫻等媽咪級交流湊 B心得,將全副心力放在囡囡身上。

嘉樂對女兒如珠如寶,為了她,晚上會全家扮瞓,待她入睡後,他才起身工作。

宣傳完《倩女喜相逢》後,湯盈盈便閉關專心造人。

大肚中女

老生常談,有仔趁嫩生,但現世代趨向晚婚遲生,三尾四頭的大肚婆,再唔係怪物,甚至生完再生都得!

華嫂

有老公周焯華力撐,六月生 B的華嫂面對小三 Mandy狂攻,仍然淡定;為放鬆心情,周焯華大時大節例必帶大肚婆外遊。華嫂已揀好時辰在養和開刀,到時老公亦會陪伴在側。

周汶錡

懷胎六個月的周汶錡,至今腹部只是微微隆起、手腳依然纖幼, keep住索爆。懷孕初期,她推掉所有工作,去了法國養胎數月才返港。

Cara G.

名模 Cara G.去年三月誕下女兒 India後,今年初再懷第二胎,其安胎之道是 keep住運動,保持活力,佗 B六個月的她身形依然纖瘦,行路健步如飛。

鍾意就快D Share啦!
Related Posts Plugin for WordPress, Blogger...