掃呢頁CODE去手機

2015年4月2日 星期四

網民優先 大台放棄 C9 岑麗香張繼聰接力拉客 [壹週刊 - 1308] 繼聰,岑麗香,張繼聰,M1,



岑麗香係網民女神,大台用她孭飛拍新處境劇,目標清晰。

探熱針

網民優先 大台放棄 C9 岑麗香張繼聰接力拉客

無綫《愛•回家》收視低處未算低,網民日日嗌腰斬,大台被迫順應民意,提早收檔。接力的新一套處境劇,原本打算沿用部分「家人」,但經過高層商討,決定改變初衷,以討好年輕觀眾為目標,馬家成員全部冇得留低,但一班二打六,包括張振朗、謝可逸等反而有份冧庄,再由岑麗香、張繼聰擔大旗,加埋吳業坤、何君誠等新面孔入組,卡士削到爆。

再見膠劇

《愛•回家》一二年首播以來,成功吸納師奶 fans捧場,三年來多次添食;但近年劇組不斷換班,先後踢走了朱慧敏、湯洛雯、蔣家旻等骨�身脷 A換上高海寧、張嘉兒、古明華等新角色,面目全非,加上新班底唔夠討好,劇情更被嘲愈做愈膠,收視由最高廿七點,暴跌到十七點,唯有嗌停止血。

被問到有份參演新處境劇救亡,張繼聰即落閘:「你話我唔認」

原本有份留低的馬家成員,因為高層想吸納後生觀眾,全部被 out。

搵高 Ling加入《愛•回家》衝擊收視,可惜觀眾唔受,咪神更搭沉船,收視跌破新低。

原本打算換湯不換藥,六月接力出街的新處境劇保留原有班底,但高層眼見近年「師奶劇」冇套掂,決定變陣,新劇走後生路線,希望吸納到另一批年輕觀眾;本來可以留低的《愛•回家》台柱,包括劉丹、徐榮、林漪娸、黎諾懿等,全部被 out,反而奀星張振朗、謝東閔、謝可逸、陳志健就有得留低,再由張繼聰夥拍岑麗香孭飛領軍。

近年被無綫力捧的吳業坤(坤哥),在新劇將佔大量戲份。

曾經亮相過《愛•回家》,有幾集戲份的陳志健直認有得留低,並表示:「新面孔有新鮮感,大家仲易接受。」

兵行險着

「班阿頭覺得就算大卡士都未必一定有收視保證,相反好似《四個女仔三個 Bar》咁,大膽用一班後生仔女,因為有新鮮感,觀眾反而 buy,所以今次決定用晒班後生嚟孭。」一名劇組人員透露。

無綫兵行險着,大膽用新人本來無可厚非,但新班底只得岑麗香和張繼聰稍有知名度,其餘卡士包括吳業坤、何君誠等都弱到爆,後生網民觀眾一旦唔啱睇,隨時連班師奶客都留唔住,得不償失。

去年底《愛•回家》改組,加入張振朗、謝東閔、謝可逸等組成「戴守查律師樓」,被網民喪插劇情愈做愈膠。

《愛•回家》拍至 804集大結局,接力的新劇將於六月首播。

冇名氣亦冇人氣的張振朗(右)同謝東閔獲點名留低,在新劇佔一角。

鍾意就快D Share啦!