網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月8日 星期三

想睇邊個?推到魯芬出寫真啦! [FACE - 424] 魯芬,MF,



全知言

想睇邊個?推到魯芬出寫真

模熱潮近年冇晒,但 7月依然係寫真旺季,今年除咗 34歲黃榕繼續出寫真,亦有台灣幫雞排妹越洋挑機,最爆當然係年過半百嘅羅霖都出寫真,仲要有 50個造型,宅男會唔會科水撐羅霖姐姐就未知,不過一眾藝人好似嫌羅霖太 young,楊思琦話想羅蘭出寫真,傲兒 BB就話想睇魯芬,人哋出你係咪買先?

何傲兒 魯芬老少咸宜

魯芬 BB多走騎呢路線,早前同李光洙拍廣告,形象入屋,但出寫真就好難想像……

諗咗好耐喇,我最想魯芬 BB出寫真,首先一個女藝人出寫真呢?如果好性感呢,一定係男仔買,女仔就唔會買嘅,但魯芬 BB係老少咸宜大家都鍾意佢,佢會畀到一種好歡樂嘅感覺,所以佢出寫真一定會大賣嘅。佢着咩衫影都唔重要,因為佢着咩都會好突出,一定會望咗佢先。我就未諗過出喇,雖然好多人覺得我轉咗公司會解放啲,但我都仲係好怕醜呀!

楊思琦 羅蘭姐混血兒咁靚

最想睇嘅寫真女藝人呢?就係羅蘭姐,因為有啲節目睇番佢以前啲相,原來係好靚女㗎,簡直係美若天仙咁靚,好似啲混血兒咁靚,平時嘅羅蘭姐都係和藹可親,同埋笑容好靚!其實我好少睇女藝人寫真,最近睇到羅霖姐姐幾張相,真係影得好靚喎,保養得非常之好,如果遲啲有本寫真關於我嘅,我都可以去試吓。

80歲羅蘭姐𠵱家被封聖羅蘭成為潮 icon,但後生時候都性感過, 70年拍《七擒七縱七色狼》都有露 bra場面!

余迪偉  Jeana對腳

我最想睇嘅梗係 Jeana出寫真啦,因為佢對腳真係無限,對腳長到永遠都唔完咁,我覺得佢除咗性感之餘呢,仲有一陣少女味,佢個樣好現代,但古裝又係會得嗰啲,唔想佢剩係暴露嗰啲,想佢着下啲古裝,唔只係中國人古裝,可以扮下印度人古裝,或者係着歐洲人宮廷式古裝都係靚嘅。

Jeana出過兩本寫真,當年都大賣,𠵱家升呢做演員,好難再出囉。

Jeana 女神造型

我最想我女神 Natalie Portman出寫真,我自己好鍾意佢同欣賞佢,我想佢由《這個殺手不太冷》開始到之後嘅電影,每個戲入面嘅造型都影。我自己暫時唔會再影,或者第時大肚嗰陣會同老公影一輯紀念。

影后 Natalie Portman間唔中喺廣告都會性感,出寫真應該唔會啦,外國人都唔興嘅!

絲打想睇吳彥祖全祼

藝人好多就想甘草出寫真,慌死俾人話好色咁,市民就直接好多喇,尤其唔少絲打,話好想殿堂男神吳彥祖出寫真,仲要係全祼嗰隻;男仔就最想娜姐再出!講到尾出寫真,真係要一副好 body先得,呢兩位真係冇得輸。

Claire  21歲

吳彥祖囉,因為佢身材好又靚仔,着咩衫?唔好着梗係!寫真唔係唔着衫㗎咩?女藝人我冇留意喎!

李小姐

吳彥祖啦,佢有型啦,身形靚啦,着咩衫?就咁着住泳褲囉!泳褲如果過膝頭就嘥咗佢喇,女嘅就徐若瑄啦,大肚都好靚!

黃先生  21歲

周秀娜啦,我淨係識得佢,佢好耐冇出啦,吳若希?連詩雅?佢哋唔係做呢啲喎!

鍾意就快D Share啦!


Related Posts Plugin for WordPress, Blogger...