2015年9月8日 星期二

80幾萬部電視?!太陽同C朗用同一部電視! C朗,基斯坦奴朗拿度,



【韓流】80幾萬部電視?!太陽同C朗用同一部電視!

2015-09-08 17:00:00



太陽被發現用個貴電視

韓國天團BIGBANG嘅兩位成員G-DRAGON(GD)同太陽近日就齊齊演出節目《拜托了冰箱》,觀眾除咗關注兩位大明星個私伙雪櫃究竟收埋咩好嘢之外,大家亦喺節目上搵到另一亮點。

話說節目就播放咗工作人員去到GD同太陽各自嘅屋企搬運佢哋個雪櫃嘅過程,有眼利嘅網民就睇到太陽屋企個電視款好特別,仲即時全線大搜查。

之後就發現太陽個電視原來係貴到凸眼嘅高級嘢,足足要成一億三千萬韓元,即係約84萬港元咁多,真係買架車都得啊。而據知就連葡萄牙靚仔球星基斯坦奴朗拿度(Cristiano Ronaldo)都係睇呢部電視。

雖然太陽咁富貴,但佢都好謙吓,喺節目上仲要話覺得自己同GD有貧富懸殊嘅差別。事緣上星期節目就公開咗太陽個雪櫃先,佢就放咗好多有機食品同埋肉類。

到噚日一集,就輪到公開GD個雪櫃,入面就放晒松露、魚子醬、鵝肝等貴價嘢,而太陽仲話有次同GD、光熙去野外聚會時,GD就帶埋魚子醬去撈飯食,食都食得豪過人。

見到GD個雪櫃,太陽都忍唔住話:「細個咪會帶飯盒返學,O依家就有種同有錢人家小朋友嘅飯盒同自己只得泡菜嘅飯盒比較嘅感覺。」



太陽話同GD有貧富差異

鍾意就快D Share啦!
Related Posts Plugin for WordPress, Blogger...