掃呢頁CODE去手機

2015年9月8日 星期二

麥明詩考牌4次先pass 麥明詩,

麥明詩乜都攞A,攞慣第一的她原來弱項係考牌。

麥明詩考牌4次先pass

十優狀元、劍橋法律系畢業的香港小姐冠軍麥明詩被視為「人生大贏家」,原來戰無不勝的她也有弱項,昨日麥明詩出席汽車頒獎活動時自爆人生首次考試「肥佬」就是考車牌,前後共考了四次才成功取得駕駛執照,她直認當時很不開心,說:「我唔習慣考試唔合格!」

應屆港姐冠軍麥明詩被外間視為「人生勝利組」,由小學到中學入讀名校女拔、會考又是十優狀元及在劍橋法律系畢業,加上奪得香港小姐雙料冠軍榮銜,麥明詩的人生履歷表上再錦上添花,人生可謂冇得輸!不過,考試攞慣A的她原來也並非十項全能,經常自嘲是書獃子,讀書無敵的麥明詩也有弱項,昨日她自爆考車牌首嘗「肥佬」失敗滋味,足足考了四次才成功取得駕駛執照,「成績」終於低於水平線。

考棍波搞佢唔掂

麥明詩昨日與亞軍龐卓欣、季軍郭嘉文到灣仔出席凌志汽車頒獎活動,她們向猜中三甲的得獎家庭觀眾頒贈凌志名車。向來贏慣的麥明詩講到考車牌時,不禁自爆瘀事說:「我考車牌考咗總共四次,人生第一次肥佬就係考車牌,當時都好唔開心,唔習慣考試唔合格!」女士們考車牌通常選擇較易操控的「自動波」,但麥明詩初時卻挑戰難度較高的「棍波」,她說:「第一次係考棍波,之後都係轉番考自動波,後來都要考三次先考到。」

三位出爐港姐昨日出席凌志汽車頒獎活動。
  • 三位出爐港姐昨日出席凌志汽車頒獎活動。
麥明詩(右)考四次牌先pass,龐卓欣若下次考牌成功,終於可以叻過「宿敵」!
  • 麥明詩(右)考四次牌先pass,龐卓欣若下次考牌成功,終於可以叻過「宿敵」!
陳嘉容(肥2次)<br>陳嘉容考牌三次才成功,自言駕駛技術穩陣,第二次「肥佬」全因忘記望倒後鏡,她不會酒後揸車,亦從未試過被扣分。
  • 陳嘉容(肥2次)

    陳嘉容考牌三次才成功,自言駕駛技術穩陣,第二次「肥佬」全因忘記望倒後鏡,她不會酒後揸車,亦從未試過被扣分。

麥明詩對今年冠軍獎品沒有名車感到有點失望,但自言也怕塞車忟憎不會駕車,她說:「屋企得一架車,都係爸爸用嚟返工代步,有時一齊出街都會畀我揸,架車好舊有乜損傷都唔怕。(男友接送仲好?)你講的士司機?的士司機就會隨傳隨到。(緋聞男友林作呢?)個個朋友都好忙o架,邊可以隨傳隨到!(識個司機好過男友?)係o架。」她又指近期不少朋友也用「不夠成熟」來取笑她,麥明詩笑說:「由參選開始已經畀朋友抽到乾塘。」

黃伊汶(肥3次)<br>黃伊汶在加拿大考過三次車牌都「肥佬」收場:「衰粗心大意,又怕個考牌官。」最終在2007年考牌合格,但仍不擅長泊位。
  • 黃伊汶(肥3次)

    黃伊汶在加拿大考過三次車牌都「肥佬」收場:「衰粗心大意,又怕個考牌官。」最終在2007年考牌合格,但仍不擅長泊位。
傅穎(肥1次)<br>近年主力在內地發展的傅穎,年初為考車牌密密回港練車,無奈遇上嚴苛考官而失敗,之後重考路試終於pass!
  • 傅穎(肥1次)

    近年主力在內地發展的傅穎,年初為考車牌密密回港練車,無奈遇上嚴苛考官而失敗,之後重考路試終於pass!
陳嘉桓(肥1次)<br>陳嘉桓三年前首次考牌,因太緊張兼龜速泊車而「肥佬」,她未有氣餒,經多次練習,終在第二次如願合格。
  • 陳嘉桓(肥1次)

    陳嘉桓三年前首次考牌,因太緊張兼龜速泊車而「肥佬」,她未有氣餒,經多次練習,終在第二次如願合格。

龐卓欣要叻番次

由讀書到選港姐都是麥明詩手下敗將的龐卓欣,終於大有機會贏番一次「宿敵」,考過一次車牌「肥佬」的龐卓欣笑說:「終於有樣嘢可以叻過佢,哈哈!我都諗住再考車牌,唔使麻煩屋企人接送。」問龐卓欣的「富三代」男友Solomon是否經常接送她?龐卓欣說:「係o架,佢好似我私人司機咁,但佢好樂意嘅。」

蔡思貝(肥1次)<br>2013年港姐亞軍蔡思貝備受力捧,她劇接劇忙於開工,月前思貝秘密考牌,惟因連日通宵工作,「肥佬」收場。
  • 蔡思貝(肥1次)

    2013年港姐亞軍蔡思貝備受力捧,她劇接劇忙於開工,月前思貝秘密考牌,惟因連日通宵工作,「肥佬」收場。
周秀娜(肥1次)<br>周秀娜年前首次考牌因太緊張影響表現,結果不合格,翌年捲土重來,雖然犯下八個小錯誤,卻有驚無險過關!
  • 周秀娜(肥1次)

    周秀娜年前首次考牌因太緊張影響表現,結果不合格,翌年捲土重來,雖然犯下八個小錯誤,卻有驚無險過關!
陳嘉寶(肥1次)<br>陳嘉寶數年前考車牌,考路試當日因表現緊張,泊車及轉彎都手忙腳亂,未落車已自知「肥佬」,後再考終於pass。
  • 陳嘉寶(肥1次)

    陳嘉寶數年前考車牌,考路試當日因表現緊張,泊車及轉彎都手忙腳亂,未落車已自知「肥佬」,後再考終於pass。

考牌肥佬逐個捉

正所謂萬事起頭難,有指首次考車牌通常難免「肥佬」,不少藝人亦不敵此「魔咒」要重考,有人更要「一考再考」!

文:影視組

鍾意就快D Share啦!