掃呢頁CODE去手機

2015年9月8日 星期二

反擊整容傳聞 藤原紀香被指幼稚 紀香,整容,藤原紀香,



【會遭天譴?】反擊整容傳聞 藤原紀香被指幼稚

2015-09-08 14:24:00



藤原紀香因為樣貌變化大,被指整容,但佢就好唔高興咁否認。

日本女星藤原紀香早排爆咗同歌舞伎男星片岡愛之助嘅戀情,成為新聞人物,不過,佢因為今次涉嫌搶人男友,而令一啲人對佢印象扣分。

近日有傳言話紀香因為要保持美貌,所以做一啲小型整容手術,仲有打透明質酸之類,因為有整容醫師見到佢面部間中突然腫脹,亦分析埋紀香容貌變化,所以話佢有「維修」過。但紀香見到俾人傳佢整容之後,覺得好唔高興,喺網誌反擊。

紀香話最近見到一啲網上新聞,話佢做過整容同打透明質酸,佢話呢世人都冇整過容,佢天生就係圓面,疲倦時塊面就好易腫。

紀香姐仲話:「我阿婆話,唔清楚乜事就講人壞話,啲人會遭天譴,反而被人講壞話嘅人就有運行,咁我真係多謝晒講愛壞話嘅人。」有唔少網民見到紀香姐咁寫,都好驚訝,因為覺得佢思想十分幼稚,40幾歲人咁講嘢好唔成熟,都幾唔化喎。



紀香姐成日都會喺個網誌度上載自拍靚相。



今日紀香姐梳咗個新髮型,即刻喺網誌度晒畀粉絲靚,見佢狀態好唔錯。



早排紀香上電視節目,被指面部腫脹。



睇佢早排上電視呢張相,同網誌靚相對比,就有人認為紀香姐整過容囉。

鍾意就快D Share啦!