掃呢頁CODE去手機

2015年9月8日 星期二

水底露長腿 謝安琪:脂肪太多 謝安琪,





其他影片:>>






好靚呀!謝安琪同鄭欣宜一齊喺水中閉氣扮美人魚,出嚟個效果勁優美,咪以為濕身一定係玩誘惑先得架!今次佢哋落水,其實係為「新世界維港泳」做宣傳,阿Kay同欣宜都係首次體驗水中拍攝,要喺水中閉氣做靚靚動作,其實真係好難!

鍾意游水嘅欣宜話:「第一次以美人魚造型喺水中游泳,原來冇咗兩隻腳做輔助,移動好困難!」

至於阿Kay,就講笑咁話自己太多脂肪,所以沉極都沉唔到落去!「我覺得水中拍攝最難嘅係……要沉落去,可能我個人囂張,好難沉得住,講笑啫!可能因為我脂肪多,肌肉少,個人好難向下沉!但其實今次幾好玩,因為即使係水中擘大眼,都係咩都睇唔到,全係自己個人憑感覺。」

主辦單位除咗搵呢兩位藝人,仲有好多唔同界別嘅人士,例如有「香港拳王」曹星如,戴住金腰有喺水中揮拳,相信佢都係第一次;仲有網絡紅人達哥,密密接廣告咩都撈吓嘅佢,今次喺水中做番佢最叻嗰範,打機。

另外,主辦仲搵咗今年維港泳裡面,最年長嘅男女參賽者一齊拍,加加埋埋,參與嘅單位多達廿幾個,今次真係拉晒大家落水!
鍾意就快D Share啦!