掃呢頁CODE去手機

2015年10月21日 星期三

捧餐清潔派傳單 梁奕倫轉行做侍應





其他影片:>>






現年43歲的梁梓禧(Roland,前名梁奕倫)之前於now102觀星台,分別與茜利妹、梁榮忠主持兩個不同節目,不過觀星台上月「摺埋」,只播外購劇,Roland隨即在網上公開求職,並呼籲各老闆可以跟他聯絡。

■Roland將跌落地的宣傳單拾起,不能浪費。 ■Roland做侍應,傳菜、擺位、清潔一腳踢。
■在出外賣前,Roland小心檢查定單。

驚倒瀉熱飲落客身

Roland表示:「有日我喺屋企突然間喺度諗,如果自己唔做娛樂圈呢行,可唔可以做其他嘢呢?又可以做乜嘢?結果我就決定坐言起行,走出去試,搵唔同嘅工去做,每份做一個月。」

日前Roland分別於銅鑼灣一間泰國餐廳及武術健身中心返工,午飯時段他在餐廳做侍應,捧餐至清潔一腳踢,午市後再轉到武術健身中心開工,職責是企街派傳單。Roland說:「呢間公司係請我做見習男公關,因為佢哋同時有兩個業務,一個係餐廳,一個係武術健身中心,為咗了解公司多啲,所以我要接觸呢兩個崗位。」

首次做服務性行業,Roland承認緊張,有剛入行做DJ感覺。問他開工時可感尷尬?他說沒有,反而擔心自己做錯:「我怕記錯嘢,例如有啲客凍檸茶少甜,多奶同少奶,開工前練習咗10分鐘左右,我一早叫老闆唔好叫我收錢,同唔好叫我攞熱飲,因為怕會倒瀉整到客人。」

入行23年,Roland由電台DJ到主持電視節目,他坦言都會面對中年危機,但現在想法有變:「呢個測試對自己都好大得着,因為我證明咗只要肯做就得,雖然成日聽到市道唔好,但香港仲係機會處處,只要臉皮厚番少少。」

採訪:馬建華

攝影:陳慧安

鍾意就快D Share啦!