掃呢頁CODE去手機

2015年10月15日 星期四

Dress噏:飲樣 [壹週刊 - 1336] M1,



GOOD

唔使講咁多,日模水原希子有青春有品味,以一條黑色夏老威 print長裙加大圈耳環,著出年輕 casual chic感覺。

探熱針

Dress噏:飲樣

週四一連三場中港婚禮,成為娛樂圈大事件,主人家穿乜戴乜必然是重點,但各位賓客有幾盛裝也是焦點之一,邊位靚邊位 hea,即作短評。

BAD

雨僑所選的裙太長感覺有點累贅,亮面印花布又帶老氣,而且穿這種華麗裙子應該配個小巧的 clutch,一身打扮成為婚宴賓客的錯誤示範。

舒淇一身白恤衫配 loose cut長裙,略帶 90s中性玩味,帽子、橙紅色 Saint Laurent手袋及短 boots更為造型生色不少,玩型格一樣 OK。

林志玲今次收起性感,以唐裝領背心裙出席婚宴,橙紅拼肉色的喱士設計感覺時尚亦大方,而貼身剪裁在不露事業線的情況下,也能展現出美態。

想靚其實可以好簡單,好似龔嘉欣以白色喱士背心配粉紅 ruffles短裙,散發少女 fancy味,效果非常討好。

以潮人的配搭角度來看,蘇永康一身打扮沒有破綻,唯一美中不足的闊腳低襠褲,這橫向的比例令他看來相當矮小。

黑白色配搭冇問題, tweed coat也不錯,錯在佘詩曼配上闊身西褲,立即凸顯出阿太般的老態,就算孭個 Boy Chanel手袋都救唔番。

黑色 patchwork恤衫配黑色網布短袖 tee,冇層次感覺多此一舉,長 boots加黑 jeans似爛仔,絕非抽水,不過梁烈唯這身造型去飲,認真唔得體。

All Black

雖然時裝人常說黑色好悶好刻板,但說它是無敵一點也沒錯,此色對高矮肥瘦任何人種都啱用,不過想穿出格調還需要一點技巧,今次 Janice Man以黑色 jumpsuit配紅唇妝,高貴成熟又有型,值得參考。

GOOD

Janice Man今次打扮好 sharp醒,大眼紅唇妝成熟又有型,黑色 jumpsuit簡約得來亦顯得高䠷,擺脫少女感覺。

BAD

楊怡的短裙騷長腿怡人得很,但配搭就一貫的老套冇星味,卡通印花裙跟大格仔上衣完全唔夾, platform高踭鞋亦毫無美感,換對小短 boots會好一點

太花巧太誇張的服飾,都不適合王郎月這種典型東方面孔,剪裁清簡又不失細節的貼身裙就恰到好處。

Phase Eight紅黑色刺繡連身裙$2,900

肥少少都 carry不到的白色毛毛裝,對 Kelly來說是易如反掌,配對尖頭 kitten heels襯出古典美,唯獨眼妝太重手,下眼線輕手一點就更 perfect。

白色針織上衣$3,880

白色毛絨 tube dress$10,480

Both from Max Mara

絲質織花對男士來說是超難 handle的,難得趙又廷身形好又富時尚氣息,一身 Alexander McQueen花西裝亦不會詼諧,似足天橋男模。

皮革 patchwork牛仔褲粗獷有型,配幾何圖案 tee為造型添亮點,可惜許志安的微鬈髮型累事。

橫間針織連身裙能凸顯到曲線,不過高領設計古怪唔靚,再配 Lego色高踭涼鞋好有強國 feel, model出身的傅嘉莉真叫人跌眼鏡。

林信德好適合正裝配搭, Vivienne Westwood紅黑格仔西裝配黑 jeans,無論配色及剪裁都 pass,但橙啡色 pattern皮鞋卻很跳 tone。

撰文:小草

鍾意就快D Share啦!