郭奕芯全裸浸住泡泡浴同飾演嫖客嘅王宗堯上演情慾戲，女方仲話劇組對佢好好，送咗個靚仔對手畀佢喎！
真面目
激片 男神叫雞 《同班》整容妹祼泡王宗堯
同志片有市場，好似彭浩翔監製新片《同班同學》，戲中大玩全裸兼「 sheshe」場口，戲中三位女主角郭奕芯、廖子妤同麥芷誼首次擔正就全裸上陣，除咗廖子妤同麥芷誼玩「 sheshe」外，郭奕芯更有一幕全裸玩泡泡情挑男神王宗堯，最後梗係玩埋上床情慾戲一次激過一次，問到有冇試過觸電感覺，郭奕芯就話：「都有一種朋友嘅好感囉！」即係點呀？
《同班同學》大膽起用三位影壇新人郭奕芯、廖子妤同麥芷誼擔正女主角，三人全裸出鏡成功搶「 Fo」，戲裡各有爆點，不過本土電檢要求嚴格，三人天台泡泡浴同沙灘全裸玩煙花被 cut到所剩無幾。
片場失控爆喊
新片全裸，三位女主角都異口同聲話絕對相信拍攝團隊，麥芷誼先話：「同 Fish(廖子妤)搵棉條嗰一幕最難忘！因為未試過幫女仔搵棉條！佢比較緊張，拍咗一陣開始喊，導演要嗌 cut安撫佢！而自己喺好攰好大壓力下，眼淚都開始標晒出嚟，最後跑入廁所冷靜，不過眼淚都係停唔到！」
而廖子妤解釋話：「嗰場拍得好攰！自己其實冇爆喊，可能大家精神狀態都唔好，導演 cut機都係想大家休息 5分鐘！我哋係新演員，可能攰嘅時候，情緒處理得唔係咁好！」至於郭奕芯就話：「喊嗰部分好大壓力！每次拍喊戲等於要喊足 7、 8次， hold住情緒半粒鐘，個人會好 down、好崩潰！」
唔知 Baby有冇整！
先有廖子妤同麥芷玩「 sheshe」，再有郭奕芯泡泡浴挑逗王宗堯，對於「 sheshe」場口，廖子妤說：「𠵱家標籤好嚴重，出咗櫃就會標籤為同志藝人……覺得呢啲標籤毫無意義！自己就未試過同女仔拍拖！中學時有個好朋友，成日都會孖公仔，仲會拖手去廁所，啲人都以為係 couple，但其實只係好朋友。」麥芷誼則話：「唔會反對同性戀！自己呢一刻係鍾意男仔！不過將來會變成點？ who knows？」至於郭奕芯戲中有兩場肉搏王宗堯，其中一場浸住泡泡浴，她說：「好開心！佢好靚仔，唔會令人覺得唔舒服！（心動？）佢𠵱家有女朋友，答呢啲好敏感！始終佢係我前輩，都有一種朋友嘅好感囉！」
𡃁模出身，曾公開承認整過容嘅郭奕芯，又點睇 Angelababy最近去鑑定樣貌呢？「我唔知佢有冇整！自己覺得女仔貪靚都係正常，特別係演藝圈，唔好過份就得！」廖子妤最後仲大爆：「拍完之後困埋自己喺屋企，加埋有甩頭髮情況，頭頂開始有啲稀疏！」剝一次衫，好沉重喎！
「 sheshe」片有市場
其實早有唔少同志題材電影出產，而「 sheshe」片亦有唔少大明星肯擔演，不過都係嗰句，唔好剩係齋睇有幾裸露，演員表現先係最重要㗎！
採訪、撰文：娛樂組
攝影：范仲良
形象： Bryan@the Flaming
服裝： Snidel、 Lily Brown
場地： Comma Party
|
鍾意就快D Share啦！
|
|
|
