掃呢頁CODE去手機

2016年1月27日 星期三

學結他玩 busking 浸大妹:歌聲可以感染人 [FACE - 453 - 大專校園] __,MF,

除咗鍾意自彈自唱,Sammie最想喺舞台劇方面發展,「高級文憑畢業之後投考演藝學院繼續讀落去,之前試過朝九晚八排舞台劇,時間雖然好長,但自己好享受!」U花U草學結他玩busking 浸大妹:歌聲可以感染人施明芯(Sammie)浸大電影學院創意電影製作高級文憑Yr.1facebook:sammieseinstagram:samsam__sammie90後學嘢通常三分鐘熱度,經常學到咁上下就半途而廢。 ...


除咗鍾意自彈自唱, Sammie最想喺舞台劇方面發展,「高級文憑畢業之後投考演藝學院繼續讀落去,之前試過朝九晚八排舞台劇,時間雖然好長,但自己好享受!」

U花 U草

學結他玩 busking 浸大妹:歌聲可以感染人

施明芯( Sammie)

浸大電影學院創意電影製作高級文憑 Yr.1

facebook: sammie se

instagram: samsam__sammie

90後學嘢通常三分鐘熱度,經常學到咁上下就半途而廢。 18歲嘅 Sammie都唔例外,細個學過芭蕾舞、中國舞、鋼琴、小提琴,但樣樣學到一半就放棄,直至佢一年前自發學結他先至覺醒。

「屋企人知我鍾意唱歌,媽咪有次問我點解唔試吓自彈自唱,於是我就開始學結他。一開始學嘅時候的確係辛苦,自己隻手偏細,㩒 chord好吃力,試過練到唔想練,練到隻手起晒枕又唔可以留長指甲扮靚靚。但我難得搵到樣係自己真係鍾意嘅興趣,我同自己講唔可以咁易放棄,唔可以再好似以前咁學咩都半途而廢!」

學咗結他半年嘅 Sammie便膽粗粗拎住支結他去中環海傍唱歌,咪又無、擴音器又無,但竟然有意外收獲,「我記得唱唱吓周杰倫嘅歌竟然有個女仔買咗支水同嘢食畀我,佢話聽我唱歌令佢開心番。我好開心自己嘅歌聲可以感染到人,自己一邊唱又好 relax,自此之後 keep住有同自己隊 band出街玩 busking,我希望每個禮拜都有一班人可以聽我唱歌!」

Sammie認真多才多藝,唱歌、做戲、跳舞都難佢唔到,入到大學仲入埋 Danso,「雖然自己有跳舞底,但 Danso實在太多勁人,令我知道自己唔可以安於現狀,一定要進步先可以繼續。」

升上大學入咗 Danso, Sammie發現自己原來好鍾意跳舞,「特別係自己試過由後排跳到上企前排中間,嗰種被人肯定嘅感覺,相信跳開舞嘅人一定會明!」

有時自己隊 band唔得閒, Sammie都會自己一個出街 busking,做自己鍾意做嘅嘢的確係唔同啲。

撰文:葉浩婷

攝影:范仲良

化妝及形象: Kika Wong


鍾意就快D Share啦!