冇乜 job都可以過闊太生活，又唔志在大台份工，究竟朱千雪有咩辦法搵錢呢？
全知言
朱千雪借讀書飛甩大台
已經 27歲嘅朱千雪，係 12年港姐季軍，當年輸咗俾張名雅。不過朱千雪當年得樂易玲睇起，未卸任已經有主持做，又有劇拍，無幾耐仲跳埋入大銀幕拍《赤盜》添，曾經係大台要力捧嘅姐仔之一。
不過朱千雪喺大台玩咗 3年終發現志不在此，去年尾便以讀書為由向大台請假一年，現於香港中文大學修讀企業傳播社會科學系碩士學位。對大台無心戀戰嘅朱千雪，早前趁唔使上堂，就約咗位閨蜜去撐枱腳食番餐，二人邊食邊傾，見到朱千雪一身平民打扮又唔怕俾人眼望望，全知言即刻明白自由嘅可貴！
咁粉絲咪傷心死？又唔會！朱千雪請假前已幫大台拍落三部劇，包括《流氓皇帝》、《警犬爸打》和《 EU超時任務》，而且朱千雪其實同大台仍有合約在身，所以宣傳活動或者有 job接，朱千雪仍然要抽時間出現嘅！不過假期完後，朱千雪嘅經理人合約亦已同期完結，雖然大台努力游說當中，不過想朱千雪再續約似乎有難度，據知朱千雪已經決定唔會同大台續約，想再見呢位「民選冠軍」？全知言只可以講句，有得見好見喇！
來源 source: http://hk.face.nextmedia.com
|
鍾意就快D Share啦！
|
|
|
