劉嘉玲豪擲50萬朝聖包廂睇麥當娜
向來喜歡熱鬧的劉嘉玲，趁着樂壇天后麥當娜（Madonna）下月在澳門舉行演唱會，即豪擲50萬包下澳門新濠影滙綜藝館的豪華私人貴賓廂房，實行與眾同樂與朋友睇騷。不過，講到朋友名單，嘉玲就笑言暫時未決定得到，更「出口術」希望老公梁朝偉能夠與她一起朝聖！
美國樂壇天后麥當娜近日忙於舉行《Rebel Heart Tour》世界巡迴演唱會，並將在下月20及21號移師澳門新濠影滙綜藝館，舉行一連兩場的演唱會，今次鑑於是她入行36年來首踏港澳地區，故一開售即出現撲飛熱潮，現時兩場都已全部售罄！
讚天后不斷求新
而身為影后級的劉嘉玲，面對麥當娜即化身歌迷，更豪擲五十萬包下豪華私人貴賓廂房欣賞麥當娜第一場演唱會，宴請一眾朋友，邊享受美食及美酒，邊欣賞麥當娜的精湛演出，實行集高貴與搖滾於一身！
今次嘉玲包下的貴賓廂只有二十個座位，相識滿天下的嘉玲，對於宴請朋友的名單暫時未決定得到，但當講到包廂睇演唱會，昨日剛下飛機的嘉玲，透過電話訪問大方承認此事，她說：「麥當娜係我當今最欣賞嘅女藝人，佢不斷咁求新、自強不息，啲演出好有新意，所以佢嚟澳門開演唱會，我唔可以錯過！（你識唔識佢？）冇同佢碰過面，唔認識佢，不過好想同朋友分享，所以都特登包廂同佢哋一齊睇演唱會。」
盼梁朝偉陪她睇騷
嘉玲又表示屆時老公梁朝偉未知會否一同出席，相信她希望老公可以陪她朝聖，她說：「未知佢呀，佢呢排要出外景拍戲，希望到時可以夾到一齊睇騷！」
講到今次麥當娜演唱會，嘉玲顯得十分雀躍，並表示非常期待，她說：「作為演員，我一向好尊重同欣賞舞台演出，明白台上演出係需要長時間練習同綵排，所以我相當期待，將會係充滿驚喜嘅晚上。」
採：名人組
文：專案組
來源 source: http://orientaldaily.on.cc
|
鍾意就快D Share啦！
|
|
|
