熱爆娛樂: 落場教戲　星爺培訓林允爆「鹹」 gag [FACE

2016年1月27日星期三

呢一幕簡單一句「呢個咪就係一條鹹魚」，充滿喜劇細胞嘅星爺即時返咗嚟！

本年度最矚目賀歲片，一定非星爺周星馳執導嘅新戲《美人魚》莫屬！新戲貫徹星爺以往搞笑風格，童話故事加入愛情元素，故事環繞致力發展填海工程嘅鄧超同林允飾演美人魚之間嘅「異類物種」戀愛故事，星爺刻意帶出社會環保問題。

新戲由星爺執導，所以對於演員嘅每個動作，甚至表情都好高要求，不時仲會親自落場示範添！

雖然星爺今次唔出鏡，大家都唔使失望！事關出名高要求嘅星爺，除咗每個角色都認真篩選外，仲同戲中一班演員搞咗個「喜劇之王培訓班」，親自落場教戲，真係好多人恨都恨唔到㗎！星爺搞笑功力大家就睇得多，想知佢班學生學到幾多嘢？梗係有唔少「星爺 gag」出現

星爺睇中林允其中一個原因，係因為佢熟水性，新戲有好多場口要喺冰冷嘅水中拍攝，對林允絕對係一大考驗。

新星女郎林允首次孭重飛，同小豬有唔少對手戲，而錢國偉（右二）仲客串做一條肥人魚。

#肥 Wil做肥魚

新戲中，張雨綺會拋胸上陣，身旁嘅松岡李那即時被比下去。

#舊愛將都有份

飾演美人魚嘅林允同鄧超有感情戲，星爺亦對佢表現好滿意，大把機會上位㗎！

#新寵星女郎

戲中飾演致力發展填海工程嘅鄧超，由最初嘅奸商角色演變成後來愛上美人魚林允，仲會為佢放棄填海計劃。

小豬戲中飾演一條對人類充滿仇恨嘅八爪魚，雖然冇戲服，但喺凍冰冰嘅片場，小豬真係吃盡苦頭！

#小豬扮八爪魚

#八爪魚都係中國人

雖然星爺要求高，但充滿喜劇細胞嘅佢，片場梗係笑聲四起。

#星爺都笑埋一份

#邊個話佢好惡

有星爺呢位咁有份量嘅前輩親自教戲，星女郎林允、鄧超同肥仔聰（右）梗係落足眼力學嘢

採訪、撰文：娛樂組

鍾意就快D Share啦！