掃呢頁CODE去手機

2016年1月27日 星期三

太認真 冇獎攞呻爆大台 男一王浩信貶做大配角 [FACE - 453] __,王浩信,TVB,大台,MF,

王浩信靚仔又大隻,其實唔使心急嘅,莫講話最佳男配角,就算視帝都估你5年內攞到啦,聽話嘅話3年添呀!(網上圖片)真面目太認真 冇獎攞呻爆大台 男一王浩信貶做大配角方丈份人係點眾所周知啦!就算發表個人感受都要啱聽,好似08年入大台嘅王浩信,前年加簽5年新約即獲力捧,先後喺《樓奴》同未出街嘅《EU超時任務》做男主角。可惜王浩信太心急,諗住上年可以憑《東坡家事》攞男配角獎,點知最後輸俾韋家雄,唔開心之餘揾 ...


王浩信靚仔又大隻,其實唔使心急嘅,莫講話最佳男配角,就算視帝都估你5年內攞到啦,聽話嘅話3年添呀!(網上圖片)真面目太認真 冇獎攞呻爆大台 男一王浩信貶做大配角方丈份人係點眾所周知就算發表個人感受都要啱聽,好似08年入大台嘅王浩信,前年加簽5年新約即獲力捧,先後喺《樓奴》同未出街嘅《EU超時任務》做男主角。可惜王浩信太心急,諗住上年可以憑《東坡家事》攞男配角獎,點知最後輸俾韋家雄,唔開心之餘揾 ...


王浩信靚仔又大隻,其實唔使心急嘅,莫講話最佳男配角,就算視帝都估你 5年內攞到啦,聽話嘅話 3年添呀!(網上圖片)

真面目

太認真 冇獎攞呻爆大台 男一王浩信貶做大配角

方丈份人係點眾所周知就算發表個人感受都要啱聽,好似 08年入大台嘅王浩信,前年加簽 5年新約即獲力捧,先後喺《樓奴》同未出街嘅《 EU超時任務》做男主角。

可惜王浩信太心急,諗住上年可以憑《東坡家事》攞男配角獎,點知最後輸俾韋家雄,唔開心之餘揾人訴苦,可惜傳到極高層耳中,呻兩句竟變發老脾,結果喺新劇《致命復活》角色貶為大配角。係呀,唔好有感受呀,耷低頭做啦。

32歲王浩信 08年入大台,食住小生逃亡潮,前年加簽 5年經理人合約,即時變男一,先後拍咗《樓奴》同《 EU超時任務》都係男主角,上年《東坡家事》做男二,但表現出色,劇中又爆肌賣肉,加上喺新加坡《星和頒獎禮》奪得男配角,諗住台慶再下一城。

新劇《致命復活》男一係郭晉安,原本男二王浩信超多戲份,可惜被大台 cut到變配角,而黃德斌就由配角變男二,王浩信呻少句,下套俾番你做男一囉。(網上圖片)

新加坡《星和頒獎禮》王浩信攞到「最佳男配角」,以為到大台頒獎禮再食糊,原來諗多咗。(網上圖片)

上年大台頒獎禮「最佳男配角」俾咗韋家雄,人哋做到 50歲,捱足 20年先攞到,王浩信 32歲唔使心急喎,遲早係你㗎啦。(電視畫面)

唔忿輸俾韋家雄

有鬥心好正常,攞獎係一個肯定,王浩信以為會攞硬「最佳男配角」,點知最後俾咗韋家雄,個心當堂離一離,據知佢事後成日揾人訴苦,覺得自己係親生仔,又做得好,冇埋由冇獎,加上又同傳媒公開講話自己唔開心,亦傳他會自組公司,加加埋埋傳到極高層耳中,由呻兩句變數公司,方丈神經即時被觸動。

王浩信現忙拍嘅新劇《致命復活》,戲份原本僅次於男一郭晉安,但突然戲份大減淪為大配角,反而另一主角黃德斌就加戲,王浩信亦自知訴苦出事,所以忽然被貶亦都唔敢再揾人呻。咩係霸權?大家自己睇

13年王浩信攞「飛躍進步男藝員」,諗住兩年後攞埋最佳男配角,邊有咁理想㗎,咁快做到男一,恨死好多人㗎喇,唔好咁緊張啲獎

上年《樓奴》王浩信首做男一,戲中拍檔有李施嬅、岑麗香,大台其實對佢唔差㗎。

王浩信 11年同陳自瑤結婚後,即刻生性晒,除開工外成日孖住老婆,微博不時晒幸福。(網上圖片)

早前有傳王浩信自組公司,仲諗住簽苟芸慧喎,不過前年先加簽 5年約,想走有難度囉!(網上圖片)

王浩信喺《東坡家事》雖然係男二,同黃心穎有緋聞,劇中有爆肌,搶鏡過男一歐陽震華好多。(網上圖片)

王浩信歌手出身,除咗拍劇外,經常北上登台,騷價 10萬起跳。(網上圖片)

方丈份人大家都知

喺大台打工,除咗爛做,最緊要係聽話,任勞任怨,好以王浩信咁被貶一貶挫下你銳氣,叫做好輕手㗎,好似朱慧敏喺劇集中搞下是非,直頭影都冇。

朱慧敏

拍《愛•回家》經常鬧劇組,更得罪珍姐愛將黎諾懿,搞到朱慧敏喺《愛.回家》被 fade out,喺第二輯都唔見影。

趙永洪

又係拍《愛•回家》衰多口,得罪珍姐愛將導演 Gary,除被珍姐照肺外,喺第一輯《愛•回家》二百幾集就消失,更加冇得續約。

江美儀

本屬梁家樹派系的江美儀,自梁家樹離巢後,已日漸失勢,加上佢成日投訴編劇,令珍姐唔多 like,於是掟入雪櫃,現只客串《 ICAC 2016》。

採訪、撰文、攝影:娛樂組


鍾意就快D Share啦!