掃呢頁CODE去手機

2016年1月27日 星期三

朱千雪借讀書飛甩大台 [FACE - 453] __,千雪,TVB,大台,朱千雪,MF,

冇乜job都可以過闊太生活,又唔志在大台份工,究竟朱千雪有咩辦法搵錢呢?全知言朱千雪借讀書飛甩大台已經27歲嘅朱千雪,係12年港姐季軍,當年輸咗俾張名雅。不過朱千雪當年得樂易玲睇起,未卸任已經有主持做,又有劇拍,無幾耐仲跳埋入大銀幕拍《赤盜》添,曾經係大台要力捧嘅姐仔之一。不過朱千雪喺大台玩咗3年終發現志不在此,去年尾便以讀書為由向大台請假一年,現於香港中文大學修讀企業傳播社會科學系碩士學位。對大 ...


冇乜 job都可以過闊太生活,又唔志在大台份工,究竟朱千雪有咩辦法搵錢呢?

全知言

朱千雪借讀書飛甩大台

已經 27歲嘅朱千雪,係 12年港姐季軍,當年輸咗俾張名雅。不過朱千雪當年得樂易玲睇起,未卸任已經有主持做,又有劇拍,無幾耐仲跳埋入大銀幕拍《赤盜》添,曾經係大台要力捧嘅姐仔之一。

不過朱千雪喺大台玩咗 3年終發現志不在此,去年尾便以讀書為由向大台請假一年,現於香港中文大學修讀企業傳播社會科學系碩士學位。對大台無心戀戰嘅朱千雪,早前趁唔使上堂,就約咗位閨蜜去撐枱腳食番餐,二人邊食邊傾,見到朱千雪一身平民打扮又唔怕俾人眼望望,全知言即刻明白自由嘅可貴!

一餐飯食足兩粒鐘,朱千雪真係好悠閒喎!

食完飯,朱千雪做埋司機送朋友返屋企。

咁粉絲咪傷心死?又唔會!朱千雪請假前已幫大台拍落三部劇,包括《流氓皇帝》、《警犬爸打》和《 EU超時任務》,而且朱千雪其實同大台仍有合約在身,所以宣傳活動或者有 job接,朱千雪仍然要抽時間出現嘅!不過假期完後,朱千雪嘅經理人合約亦已同期完結,雖然大台努力游說當中,不過想朱千雪再續約似乎有難度,據知朱千雪已經決定唔會同大台續約,想再見呢位「民選冠軍」?全知言只可以講句,有得見好見喇!

有約在身,早前朱千雪仍要幫明珠台做宣傳。

請長假去布拉格遊學,這些機會……

網上圖片

網上圖片


鍾意就快D Share啦!