掃呢頁CODE去手機

2016年2月11日 星期四

激嬲鄭丹瑞冇得撈 張致恒靠有米女友撐 [壹週刊 - 1353] __,張致恒,M1,

娛樂偵訊激嬲鄭丹瑞冇得撈 張致恒靠有米女友撐出道12年,由組合Boyz變單飛發展的張致恒(Steven),多年來毫無起色,前年經理人公司英皇安排他入無綫拍劇做主持,跟鄭丹瑞拍檔做健康資訊節目,點知又唔生性遲大到,激嬲鄭丹瑞要求換人。冇有怕!因為有米女友莊端兒撐住,Steven推出自家品牌,賣衫做老闆。遲到幾粒鐘○五年跟拍檔關智斌拆夥分開發展,再另組SunBoyz的張致恒轉眼已經三十一歲,一直撈極唔 ...


娛樂偵訊

激嬲鄭丹瑞冇得撈 張致恒靠有米女友撐

出道 12年,由組合 Boyz變單飛發展的張致恒( Steven),多年來毫無起色,前年經理人公司英皇安排他入無綫拍劇做主持,跟鄭丹瑞拍檔做健康資訊節目,點知又唔生性遲大到,激嬲鄭丹瑞要求換人。冇有怕!因為有米女友莊端兒撐住, Steven推出自家品牌,賣衫做老闆。

遲到幾粒鐘

○五年跟拍檔關智斌拆夥分開發展,再另組 Sun Boyz的張致恒轉眼已經三十一歲,一直撈極唔起;試過在工廠大廈開 workshop幫人影相,分租場地給人開班教畫畫彈結他賺外快,直至前年被英皇安排入無綫拍劇,工作量才稍為提升。

「其實 Steven(張致恒)做戲有天分,外形又夠高大,拍過兩部劇之後, TVB都仲有搵佢拍《巨輪 2》,當時又拍劇又做《你食得健康嗎?》主持,不過稍為多嘢做少少,佢又發作開始遲到,成日唔知醒,遲到幾粒鐘。佢喺英皇都係咁,試過顧住拍拖,做嘢懶懶散散俾公司雪藏。旦哥(鄭丹瑞)已經好好脾氣,但都忍唔住,開第三輯嗰陣要求換人,而家張景淳頂咗佢個位。」知情者說。

上週一,張致恒跟女友在旺角開檔賣衫,有客到,他即落足嘴頭狂 sell。

跟 Xenia拍拖後,他經常放嘴嘴相放閃。

今年初, Twins合體,他跟關智斌亦有機會孖住上紅館唱歌做嘉賓,但身形肥未操弗。

張致恒去年揸女友車跟人有碰撞,事後對方在 ig狂寸他要小心駕駛兼惡人先告狀。

三年後結婚

自作自受!張致恒冇有怕!自恃有個有米女友撐腰,唔做嘢冇收入,都可以繼續吃喝玩樂。

「 Xenia(莊端兒)屋企有錢,同 Steven拍拖之後,兩個成日孖住出埠,又俾自己架車 Steven揸, Steven呢一年搞 pop up store賣自家品牌, Xenia都出錢出力,成日陪男友睇鋪 sell客。不過 Steven今次唔係玩玩吓,對 Xenia好細心,之前女友生日,仲特登整咗個蛋糕氹佢開心。」

上週一(二月一日)黃昏,張致恒在旺角一個商場內擺檔七日賣自家品牌 Zeal,女友亦在場陪睇檔,其間有客睇衫, Steven落足嘴頭招呼,更剝埋身上外套力 sell。

「 Steven諗過三年後結婚,都知要俾心機搵錢,佢同英皇差唔多約滿,不過到而家公司都冇聲氣叫續約,佢都知自己再係咁落去,會俾公司自然流失,所以都要搵定後路。」知情者說。

被飛

去年初,主持第一輯《你健康嗎》以及第二輯《食得健康嗎?》,張致恒拍住梁嘉琪跟鄭丹瑞合作,到第三輯則被飛出局,由張景淳頂替。

13年,張致恒跟岑麗香合作《神槍狙擊 2013》傳出緋聞,被指向對方大獻殷勤。

07年,張致恒跟陳偉霆(右三)及麥子豪(左二)組新組合 Sunboyz,不過他懶惰唔做運動,參加公司水運會時,要著衫遮豬腩肉。

頂得住

藝人表面風光,收入亦唔穩定,唔想放棄理想,就要靠身邊另一半,人力甚至財力支持。

施祖男

跟邵美琪拍拖六年的法籍華僑施祖男, 12年回港發展演藝事業,一直無起色,雖然有女友推薦介紹工作,但被指暗星的他工作量依然不多,二人去年和平分手。

夏韶聲

05年跟第三任有米妻 Tina結婚的夏韶聲,婚後搬入太太的四萬呎美國豪宅,大宅內設有錄音房外, Tina斥資過百萬添置器材,讓他專心做音樂。不過結婚 9年的夏韶聲自言無法忍受金絲雀生活, 14年提出離婚,搬返香港生活。

撰文、攝影、攝錄:娛樂組


鍾意就快D Share啦!