合體拍新劇《幕後玩家》，蕭正楠就同女友黃翠如在劇中飾演情侶，攞正牌拍拖。
娛樂偵訊
黃翠如 蕭正楠 收錢拍拖
13年合作《師奶 Madam》撻着的蕭正楠和黃翠如，最近再合體拍新劇《幕後玩家》，收錢拍拖！早個禮拜，劇組在油塘大本型冒險樂園取景，鏡頭前奉旨恩愛外，鏡頭後又攬又咬耳仔，全世界得佢兩個。
有床戲
蕭正楠與黃翠如情侶檔合作無綫新劇《幕後玩家》，劇中二人有結婚戲預演婚禮外，仲有床戲！
「佢兩個上次合作《師奶 Madam》效果好，今次監製陳維冠亦一早構思佢哋做情侶。雖然將戀情關係擺上枱，但 Edwin（蕭正楠）同翠如 BB都冇尷尬，兩個喺現場成日都好 sweet，但有時又會互窒耍花槍，大家最開心係佢兩個一齊萬歲！」一名劇組工作人員說。
預演婚禮
開工當日，劇組先拍一場玩籃球機戲份。埋位前，蕭正楠耐性地跟女友解釋射球竅門，翠如 BB在旁細心聽教，鏡頭前後，二人都合拍十足。
之後拍另一場蕭正楠在黃翠如耳邊細語戲份，見男友愈哄愈埋，黃翠如即刻展現甜笑。
隔兩日，戲肉來了！二人在淺水灣沙灘預演結婚。
翠如 BB大冷天穿上露肩婚紗埋位，凍到震！雖然有現成婚禮造型，但二人表現尷尬，更加唔肯合照留影。咁等遲吓嚟真先
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
