2016年2月11日 星期四

G奶 Barbie:周星馳要驗我個胸 [壹週刊 - 1353] __,Barbie,周星馳,夏尉喻,M1,

探熱針G奶Barbie:周星馳要驗我個胸周星馳已經三年冇新作面世,今年賀歲片《美人魚》打硬仗,由rap住自我介紹到選拔賽,都得星爺留意的36GBarbie夏尉喻,雖然未能勝出做女一,但過五關斬六將最終如願可跟星爺合作,Barbie坦言關鍵在於G奶純天然冇加工,她坦言:「佢(星爺)都想驗我個胸!」松岡代驗終於恨到同周星馳合作,Barbie表示最難忘是長期浸在水中埋位,一浸數月,令本來體質孱弱的她,搞 ...


探熱針

G奶 Barbie:周星馳要驗我個胸

周星馳已經三年冇新作面世,今年賀歲片《美人魚》打硬仗,由 rap住自我介紹到選拔賽,都得星爺留意的 36G Barbie夏尉喻,雖然未能勝出做女一,但過五關斬六將最終如願可跟星爺合作, Barbie坦言關鍵在於 G奶純天然冇加工,她坦言:「佢(星爺)都想驗我個胸!」

松岡代驗

終於恨到同周星馳合作, Barbie表示最難忘是長期浸在水中埋位,一浸數月,令本來體質孱弱的她,搞到荷爾蒙失調發水腫。

「而家已經好番好多,但要調整番正常唔係一時三刻嘅事,食中藥要慢慢嚟,唔急得!其實我同未發病前仲差兩個碼,會再努力。」 Barbie說。

胸懷大奶的 Barbie曾經被懷疑是後天僭建,原來當日在片場亦被星爺質疑。

「星爺有問過我係咪真嘅!我同佢講自己純天然,佢話佢都想驗吓,不過星爺好有禮貌,只係驗下巴同其他部位,驗胸就交俾松岡(李那)。」

在戲中,她做巨胸美人魚,負責電身邊的八爪魚小豬。

張雨綺再有機會跟星爺合作,雖然戲份重,但不及力捧林允。

由星爺一手發掘的 18歲新人林允,因貌似舒淇純天然而被睇中。

我只要天然嘢。(設計對白)

幫星爺按摩

對住星爺, Barbie初期確實有些誠惶誠恐,之後相處時間久了,大家又會在片場一齊食飯研究劇情對白,她才開始逐漸放鬆。

「佢(星爺)有時拍拍吓覺得悶,會叫我過去傾偈,有次佢好認真咁問我:『我真係唔想再喺呢個地方,你話有咩辦法可以離開(片場)?』嗰排真係好辛苦,成日打風落雨,又喺荒山野嶺,連我都想走!我同佢講:『你已經唔喺片場度嘞。』不過佢叫我唔好講呢啲嘢,仲話:『你拿拿聲咩方法都好幫我解決』,我咪幫佢揼吓鍊吓囉!」

做骨女外, Barbie還有一招!

「我帶咗好多日本出產嘅特色糖去片場,其中有一種表面上係糖,入面係辣嘅,佢(星爺)食完醒神晒,另外有款朱古力佢都好鍾意,食咗一粒就成盒攞走。」

選拔賽後,她(左一)跟蔚雨芯、松岡李那及許雅婷參加訓練。

未暴脹前, Barbie身形纖瘦,但依然胸前偉大。

自創美人魚 Rap歌參加選拔賽,搞笑到連杜汶澤都抄橋拍了一條片放上網鬥 kai。

去年夏天,她開始在朋友的 IT公司返工做市場推廣,幫補生活。

拍完《美人魚》, Barbie荷爾蒙失調暴肥,手瓜明顯腫脹,要睇中醫調理身體。

電小豬反被電

除了神級周星馳, Barbie說戲中另一男角羅志祥未開工就中伏。原本星爺落令要她向小豬放電,點知反而自己中招。

「開工前,導演(星爺)會喺房入面同我哋彩排,我個角色係發癲完就發電,導演要我電小豬,點知俾對方電返轉頭。第一次見佢,我都唔記得自己有任務在身,望一望個心已經跳得好犀利;之後幾日都係暈住去開工。

「小豬好 nice,我哋成日用 body language嚟玩!浸住水拍戲,大家都凍到病,劇組會將啲煲熱咗嘅水放入水管,俾我哋拎住取暖,但水管數目唔夠俾咁多人,所以要輪住用。我同小豬好多場口係一齊,佢次次都好有風度讓我用先,我試過收埋條管喺戲服入面,佢有時忍唔住用眼神示意我玩夠未。」 Barbie愈說愈開心。

星爺早前帶住女一林允及小豬在香港做宣傳,請粉絲免費搭渡海小輪。

Barbie跟林允合作後,為減肥,不時相約在片場附近踩單車,二人更會將單車相放微博晒友情。

拍《喜愛夜蒲 3》, Barbie跟吳雲甫做一對,她自言差點戲假情真。

甩拖近一年的 Barbie,希望猴年搵到 Mr. Right。

靚都照丙

周星馳開戲揀角,無論主角閒角甚至臨記,全部要最精最準,對星女郎要求更高,必須純天然零瑕疵,樣靚又要識做戲,否則照丙冇面俾。

趙薇

拍《少林足球》時,有傳「阿梅」趙薇因未能做到要求,被星爺當眾鬧喊。由憐生愛,二人曾傳戲假情真。

黃聖依

03年, 20歲的「國產栢芝」黃聖依被星爺發掘做《功夫》女一,有指拍特寫鏡頭時發現黃聖依原來是鬥雞眼,星爺竟將女一變啞女,全片冇對白,戲份被大量刪減,淪為大茄。

張雨綺

星爺欽點 18歲單眼皮的張雨綺拍《長江七號》,點知開工僅數日,張雨綺竟然貪靚去割雙眼皮,星爺嬲爆要叮走她,後來有公司高層代求情,張雨綺亦立即做手術復修單眼皮,才逃過易角命運。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...