掃呢頁CODE去手機

2016年2月11日 星期四

謝偉俊:佢有時失魂都會!唔識返屋企 唔認得人 白韻琹腦退化 [壹週刊 - 1353] __,白韻琹,謝偉俊,M1,

上週四,白韻琹一個人離開寓所,見阿Paul未到,即心急打電話。娛頭謝偉俊:佢有時失魂都會!唔識返屋企 唔認得人 白韻琹腦退化現年71歲白韻琹跟57歲謝偉俊97年於拉斯維加斯註冊,19年的婚姻關係經歷過唔少風雨,多次鬧交又復合;最近更有傳白韻琹出現初期腦退化,去年中,因為開不到阿Paul律師樓的門,認為對方私下換門鎖發晒脾氣,又會因認唔到路返屋企,打電話向阿Paul求救,到近期,更出現連相熟朋友都認 ...


上週四,白韻琹一個人離開寓所,見阿 Paul未到,即心急打電話。

娛頭

謝偉俊:佢有時失魂都會!唔識返屋企 唔認得人 白韻琹腦退化

現年 71歲白韻琹跟 57歲謝偉俊 97年於拉斯維加斯註冊, 19年的婚姻關係經歷過唔少風雨,多次鬧交又復合;最近更有傳白韻琹出現初期腦退化,去年中,因為開不到阿 Paul律師樓的門,認為對方私下換門鎖發晒脾氣,又會因認唔到路返屋企,打電話向阿 Paul求救,到近期,更出現連相熟朋友都認唔到的情況。

對於白姐姐有初期腦退化病徵,阿 Paul維護說:「唔係,佢係攰啲!(有冇唔認得人?)有時佢失魂都會!」

以為年紀大

去年十月,身為灣仔樂活區區議員的白韻琹,印定海報參選連任,卻突然退選,由老公謝偉俊補位頂上,當時阿 Paul指白姐姐因為健康問題,膝頭有舊患又跌親,身體無法應付選程而退選。

但據知,原來當時白姐姐因已有經常唔記得嘢的情況出現,更試過因開唔到阿 Paul律師樓的門,而指老公私下換鎖,大發脾氣。

「其實一年前開始,白姐姐已經成日唔記得嘢,又會成日唔記得啲嘢擺咗喺邊搵唔到,但就話係阿 Paul收埋。咁佢都成七十歲,所以初時阿 Paul都以為只係年紀大咗,記性差啲嘅問題,但有次白姐姐因為開唔到律師樓道門,發晒脾氣話阿 Paul換咗鎖,佢先知嚴重。」白韻琹身邊人說。

阿 Paul見到記者,即笑晒口問是哪間報館。

去年白韻琹已經印晒海報,參選連任區議員,卻突然以病為由退選。

白韻琹以前經常到老公阿 Paul的律師樓打躉。

認唔到路要求救

有指白韻琹患病初時情況未算太嚴重,但過去大半年,她的記性變得愈來愈差,就連一些相識已久的朋友,都認唔到!阿 Paul認為以白姐姐的狀態,不適合應付區議會工作,所以建議她退選,希望她爭取休息,以免情況再惡化。

家住百德新街的白姐姐,如今大部分時間都只在銅鑼灣一帶活動。

「阿 Paul請咗工人陪佢,但因為白姐姐唔覺得自己有問題,又唔鍾意有個人跟出跟入,所以都係自己一個出街,但佢已經無乜方向感,試過喺銅鑼灣都認唔到路,要打電話搵阿 Paul求救!」

一一年參選樂活區區議員後,白韻琹在銅鑼灣時代廣場對面,租了一個五百多呎的單位做辦公室,一把年紀的她,不時要落區探訪,捱更抵夜,辦公室更成了她第二個家。但去年九月,本刊曾目擊白姐姐一度認唔到路返辦公室,就算行到去樓下,竟然唔肯定,前前後後係咁搵。

當日下午,白姐姐一個人行返去銅鑼灣辦公室,神情呆滯的她,漫無目的向前行,明明行到辦公室樓下,卻過門不入,只見她失魂落魄,無法肯定地又行返轉頭,來來回回,終於認到,但當她拉大廈閘門時,又似乎唔敢肯定,見她摸住閘門搞了一大輪,之後有路人幫手,拉住道門讓她入內,但白姐姐依然充滿猶豫,望了好一陣,才識得行上樓梯。

神情呆滯的白韻琹步履緩慢行返辦公室。

白韻琹打開閘門後猶疑不肯定,最後行返轉頭。

之後白韻琹又返轉頭,但突然完全唔識點開門。

路過的一位小姐,見白韻琹徬徨無助,即幫她拉開門。

患難見真情

雖然兩年前白姐姐曾狂數阿 Paul七宗罪,大爆二十年來冇性生活,老公唔會錫佢,又直指阿 Paul身邊有唔少女人,不過患難見真情,據知白姐姐有病後,即使立法會和律師行工作排到密麻麻,阿 Paul亦盡量調配時間陪白姐姐。

「以前白姐姐成日鬧阿 Paul唔理佢,幾個月先見一次,但其實每次鬧完交,都係阿 Paul氹番佢,依家白姐姐咁,就更加要倚賴阿 Paul。」

除了是才女,年輕時白韻琹也是性感尤物。

白韻琹和阿 Paul不時做出驚人舉動,兩人就曾經合拍裸照。

近半年,白韻琹試過多次在銅鑼灣迷路。

冇失憶係失魂

連月已絕少出席公開活動的白姐姐,上月中曾與阿 Paul一齊參加鯉魚門村互助委員會的團年飯局,平日愛獨來獨往的她,上週四(二月四日)下午七點一個人離開百德新街寓所,落到樓企在街上等了一會,開始不耐煩,勁㩒電話。記者上前求證白姐姐是否有唔記得嘢情況出現,她激動說:「做乜屈我?有乜嘢要記吖?(咁點解要退選?)我想自由啲!」其間,白姐姐忽然指自己穿着的皮褸,好肉酸!

記者之後致電謝偉俊,提到白姐姐患腦退化一事,他否認說:「唔係!佢只係攰啲啫!(會唔會認唔到人?)佢有時失魂都會!」

13年,莊永楚哭訴兒子胡漢清霸屋兼唔還錢,白韻琹從旁支持,當時白姐姐仍相當精靈。

結婚初期,阿 Paul跟白韻琹經常襯晒打扮出街。

97年,兩人在美國拉斯維加斯結婚。

腦退化

有指因為記性轉差,白韻琹臨時退選連任區議員。

認知障礙症(又稱痴呆症),是長者的大敵, 70歲以上的長者,大約每十個人有一個是患者,而最常見的認知障礙症種類是阿茲海默症(俗稱老年痴呆症),初起症狀多由記憶開始,病人的短期記憶較差,對於剛發生的事較易忘記,而較久的記憶相對在發病初期不受影響。

至於語言、行動能力、理解力亦會逐漸衰退,甚至出現妄想症狀,影響個人日常生活,患者應及早診治,可靠藥物幫助,令退化減慢,保存尚未喪失的能力。

白才女

已經 71歲的白韻琹(人稱白姐姐)家族來頭不小,是中華民國國防部部長白崇禧的姪女,台灣作家白先勇的堂妹; 70年代,白姐姐做過空姐,其後參與幕前演出,在無綫及亞視有過不少出品,包括《武則天》、《萬家傳說》等,之後轉戰電台主持節目,其中最為人熟悉的莫過於《盡訴心中情》,特點是鼓勵人分手離婚,加上其說話腔調及重重鼻音,成為特有個人風格。 10年,白姐姐踩入政界,參選區議員。

七旬富婆

白韻琹多年來投資有道,除了香港,在澳門、美國、法國及澳洲等地,都有磚頭揸手,手持超過廿個物業的她,身家億億聲。

白韻琹的辦公室設有梳化床,是她第二個家。

撰文、攝影、攝錄:娛樂組


鍾意就快D Share啦!