鍾意儲錢買磚頭的 DaDa，平日十分慳家， 26歲女已經買過三層樓，真成功！
探熱針
DaDa睇中黎耀祥風水屋
因為「生活好累，人言可畏」， 13年曾忽然決定退出娛樂圈的 DaDa陳靜，但引退唔夠三個月，又復活！現年 26歲 DaDa胸懷 E cup，但絕對「波大有腦」！ 08年當時只有 19歲的她，已經首次做業主，往後幾度入市，均有賺冇蝕！收手三年，最近 DaDa又再有動作；早前，她現身陳豪、黎耀祥兩個視帝都住過的深井碧堤半島，睇樓搵風水屋！
十九歲做業主
一三年憑《低俗喜劇》獲得第三十二屆香港電影金像獎「最佳女配角」的 DaDa，有樣又有身材，仲好有腦！
○八年，年僅十九歲的 DaDa與家姐合資買入唐樓單位，初嘗做業主滋味，之後幾年，亦先後兩度再入市。
「 DaDa買樓投資方面的確幾有眼光！一○年佢靠頭一次買樓賣樓賺返嚟嘅第一桶金，買入三百五十多萬嘅長沙灣泓景臺，一三年賣番出去，賬面賺咗過百萬；另外佢一二年又喺高位買咗個深水埗一手樓花，用嚟長線收租。近幾年樓價係咁升，政府又出辣招， DaDa先停咗幾年冇再入市。
「 DaDa好穩陣㗎！平日又慳住使，唔使開工多數留喺屋企，費事出街要使錢；佢話想趁呢幾年搏殺期儲多啲錢，再買樓俾屋企人，呢排啲樓開始跌，佢都有出去睇樓，物色定，啱價啱心水就郁手。」 DaDa身邊好友透露。
向海風水好
買磚頭抗通脹，投資有道的 DaDa亦打算於今年內再出擊。日前本刊發現戴晒口罩 cap帽的 DaDa，與女友人在深井食完午飯後，便在附近的地產公司外徘徊，之後 DaDa走入其中一間鋪頭，在內逗留十五分鐘後，便與經紀一同到麗都花園睇樓，不過一行人好快又離開，再轉到陳豪和黎耀祥住到做埋視帝的深井碧堤半島，這次則足足睇了一個多小時才離開。其後 DaDa跟地產經紀一齊返鋪頭，進一步了解更詳細資料，做定功課！
「 DaDa嗰日睇嘅碧堤半島單位都係向海為主，另外佢仲有考慮緊一個新界區嘅盤，不過除咗要風水好，佢買樓最緊要係屋企人都鍾意！」 DaDa身邊好友說。
唔做高齡產婦
去年曾公開宣布有個台灣男友的 DaDa，異地戀難經營，拍拖三個月，二人聖誕前和平分手，現階段的她，坦言想拍戲多過拍拖。
「 DaDa好多人追，其中有一、兩個條件仲好好，不過佢都係想搏多幾年儲多啲錢先，佢話等多幾年先嫁人生仔都未遲，因為三十歲未係高齡產婦。」 DaDa身邊友人說。
撰文、攝影、攝錄：娛樂組
|
鍾意就快D Share啦！
|
|
|
