2016年2月11日 星期四

收翟威廉 黐阿叻 嗒有米男 陳庭欣戰意旺盛 [壹週刊 - 1353] __,庭欣,陳百祥,阿叻,翟威廉,陳庭欣,M1,

咁先上到位!(設計對白)娛樂偵訊收翟威廉 黐阿叻 嗒有米男 陳庭欣戰意旺盛外號Ccup蜜桃胸的一○年港姐冠軍陳庭欣,身材性格同樣戰鬥格!去年成功黐到阿叻陳百祥後,機會一個接一個,多次被安排做大騷司儀外,亦劇接劇,更重要是有阿叻帶挈賺街外錢。大把錢途,陳庭欣與前港男冠軍翟威廉分手後,掟煲唔掟蓋,當正對方觀音兵,隨傳隨到,好使好用!帶挈搵街外錢陳庭欣簽約無綫後工作量一直不多,但她勝在主動,靠自己搵到碼 ...


咁先上到位!(設計對白)

娛樂偵訊

收翟威廉 黐阿叻 嗒有米男 陳庭欣戰意旺盛

外號 C cup蜜桃胸的一○年港姐冠軍陳庭欣,身材性格同樣戰鬥格!去年成功黐到阿叻陳百祥後,機會一個接一個,多次被安排做大騷司儀外,亦劇接劇,更重要是有阿叻帶挈賺街外錢。

大把錢途,陳庭欣與前港男冠軍翟威廉分手後,掟煲唔掟蓋,當正對方觀音兵,隨傳隨到,好使好用!

帶挈搵街外錢

陳庭欣簽約無綫後工作量一直不多,但她勝在主動,靠自己搵到碼頭埋到堆。

「 Toby(陳庭欣)知道自己要啲乜,當年選港姐,叻哥係司儀之一, Toby知叻哥份人易話為,又可以幫到佢,所以呢幾年只要有機會同到對方合作, Toby都表現得好積極,事事配合搏加分;加上話頭醒尾,叻哥對 Toby印象好好,舊年佢生日都有請埋 Toby去,就知佢已經埋到堆。」知情者說。

阿叻同殼王熟,亦出名鍾意做大佬,見陳庭欣在大台機會不多,於是引薦她做大騷司儀,再安排拍劇,連《東張西望》主持都做埋,但都係其次,重點是帶挈陳庭欣搵街外錢。

「 Toby係自己友,叻哥有啲乜嘢活動,都會嗌佢,令 Toby有機會識到好多有錢人,人際網絡好咗外,叻哥仲帶挈佢一齊去做東莞個新樓盤 job,搵街外錢!」

29/1

Toby於廿九晚出席「東華三院 145周年慈善晚宴」,翟威廉亦有陪同出席。

晚宴完畢後,翟威廉為前度拎住個花花環保袋,然後由 Toby揸車到尖沙咀消夜。

本來同行還有劉溫馨,不過到達尖沙咀後,劉先行離去。

Toby與翟威廉到茶記醫肚,食飽後由翟埋單。

翟威廉陪前度行去攞車, Toby上車後便開車走人,要翟獨自離開。

律師新歡開餐廳

事業有阿叻做水泡,感情方面,陳庭欣亦手到拿來!一一年與翟威廉撻着,雖然去年已分手,但習慣有觀音兵侍奉左右的她其實掟煲唔掟蓋。

上月尾,翟威廉奉命陪「女友」陳庭欣出席「東華三院 145周年慈善晚宴」後,兩人連同劉溫馨同車離開,到尖沙咀後,翟威廉陪陳庭欣去茶記醫肚,劉溫馨唔食自己走先。

食了大約四十分鐘,翟威廉埋單,陳庭欣自己揸車返歸,對鞠躬盡瘁的兵仔,棄而不顧。

「 Toby而家其實係同個有米律師一齊,個男友叫 Warren,但佢哋好低調, Toby成日帶自己啲朋友去幫襯 Warren間日本餐廳,曲線宣傳,所以佢身邊啲朋友都知道有 Warren存在。不過翟威廉又好使好用, Toby咪當收兵咁囉!」知情者說。

經過幾年埋身, Toby終於打入阿叻的朋友圈內,去年阿叻生日, Toby被邀出席,可見她已被阿叻視為自己人。

成功黐到阿叻,除了拍劇、做司儀等工作多了,更帶挈 Toby搵街外錢。

10年參選港姐時,阿叻是當屆的司儀之一,對 Toby已留下印象。

最近播放的《鐵馬戰車》收視不俗, Toby與袁偉豪有感情線及床戲,表現有突破。

11年, Toby與高海寧齊齊主持飲食節目《為食總司令》,兩人穿比堅尼浸泥漿浴,展現美好身材,結果引來過百萬的網上點擊率。

有指 Warren是 Toby的有米新歡,男友在灣仔開日本餐廳, Toby亦在個人 ig介紹,好有心。

睇準埋堆

朝中有人好辦事,圈中唔少藝人深明這道理,所以會睇準幫到自己的人埋堆,成功後工作量大大提升,行快人幾步。

王君馨

王君馨曾於電視劇內著貼身裙晒身材,因而被王晶睇中,更被安排與張學友、劉德華、周潤發等天王級拍賀歲電影《賭城風雲 3》,王君馨亦好識做,多次在微博多謝王晶。

高海寧

盛傳是殼王陳國強頭寵的高 Ling,自從與老闆傳緋聞後,由冇乜工開,變為做主持、拍劇做女主角,更安排她拍 2015年賀歲電影《賭城風雲 2》,以紅色比堅尼出現超搶鏡。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...