2016年3月30日 星期三

大戲癮 俾王晶老點拍 3級片 顏仟汶洗底從良復出 [FACE - 462] __,王晶,顏仟汶,MF,

保養得宜嘅仟汶,千叮萬囑唔講得佢幾歲,記者只可以講,維基個資料係錯囉!真面目大戲癮 俾王晶老點拍3級片 顏仟汶洗底從良復出早排大台翻播舊劇《孖仔孖心肝》,見到有一青春少艾同星爺做對手戲,望真啲,原來係千禧年代三級片之后顏仟汶!拍過一大堆露點戲,04年顏仟汶退隱電影圈,08年修心養性嫁人,閒時北上登上唱歌賺吓人仔不知幾過癮。今年好友梁焯滿開拍微電影而被邀重出江湖,不過顏仟汶拒絕再露。「太搏嗰啲留番俾 ...


保養得宜嘅仟汶,千叮萬囑唔講得佢幾歲,記者只可以講,維基個資料係錯囉!

真面目

大戲癮 俾王晶老點拍 3級片 顏仟汶洗底從良復出

早排大台翻播舊劇《孖仔孖心肝》,見到有一青春少艾同星爺做對手戲,望真啲,原來係千禧年代三級片之后顏仟汶!

拍過一大堆露點戲, 04年顏仟汶退隱電影圈, 08年修心養性嫁人,閒時北上登上唱歌賺吓人仔不知幾過癮。今年好友梁焯滿開拍微電影而被邀重出江湖,不過顏仟汶拒絕再露。「太搏嗰啲留番俾啲後生,我哋呢啲,相信𠵱家有另一種韻味嘅!」

訪問地點選擇喺顏仟汶有份投資、位於西貢海傍的西餐廳,由招呼客人、傳菜、執枱一腳踢,完全冇擺老闆娘款。「當年 2004年嘅時候,成個電影行業嘅市道,慢慢淘汰,嗰陣時我都係跟住個勢去走,因為我都要生活嘛。𠵱家主力都喺返西貢呢度嘅餐廳,都有 10年喇。」

顏仟汶除咗樓面工作,有時仲會入廚房做洗碗阿姐,真係一腳踢㗎!

90年參加大台訓練班後即有機會同星爺做對手戲。(電視畫面)

當年三點盡露嘅電影都拍過,呢個《聊齋誌異》嘅造型算得啲乜!

唔知為乜做脫星

去年底好友梁焯滿( 89年港姐梁珮瑚胞弟)自編自導自演微電影《變身愛》,搵來已經 10年無拍過戲的顏仟汶做女一。「𠵱家嘅心態係,我唔係為名唔係為利,當然適當嘅片酬要收啦,但係我真係有戲癮囉!好想做一個演員演戲係一個職業。」

曾經撈過三十幾部電視劇,拍過四十多部電影, 04年話收就收, 08年連婚都結埋正式收山做良家婦女的顏仟汶,當年有苦又有邊個知?「你問我以前係咪為名為利?我可以話俾你聽我唔係!我當年係唔知為乜,基本上我由 ATV炒咗我出嚟,跟住到晶哥搵我返去拍,我係一個無靈魂嘅狀態之下拍(三級片)!我身邊無一個經理人去幫我手,全部我自己一個女仔去做,如果件事發生喺𠵱家,我相信件事唔會係咁樣。」即係俾王晶老點啫!

03年認識老公阿 Lo,雖然老公唔係大富大貴,但顏仟汶 08年結婚做人妻, 13年間二人感情愈來愈好,訪問當日阿 Lo仲幫仟汶執頭執尾,恩愛到暈。

復出頭炮,與海俊傑飾演情侶做微電影,埋身肉博唔少得,不過點到即止囉!(網上圖片)

千禧年,梁敏儀(左一)、梁焯滿(左二)、林雅詩和海俊傑都拍過唔少情慾戲,所以特別 friend!(網上圖片)

始終不是一線,加上係脫星,顏仟汶慶幸冇遇過不受尊重。「《獸性新人類》,嗰時係我第二套,阿滿(梁焯滿)好似係第一套,基本上我唔係好知佢係邊個,導演無講得好明白,我哋事先又無溝通, roll咗機,佢去到我耳仔邊嘅時候,『仟汶,掂唔掂得呀?』,即係佢會好尊重我,問咗我掂唔掂得。我好感恩我遇到一個咁樣嘅對手。」

現在的顏仟汶,有廿四孝老公錫到燶,難怪一提起舊愛杜汶澤時,仟汶笑笑口說:「朋友囉。有機會見到面,我相信都會打招呼囉。」

除咗拍微電影,仟汶早排仲接咗部由張堅庭做導演,有張達明、苑瓊丹都有份嘅大電影《我想靜靜》。

《獸性新人類》係仟汶第二部拍嘅露點戲,拍住當年新人梁焯滿,由新手變熟手,真係要多謝王晶。(網上圖片)

《蘋果日報》圖片

多年來仟汶冇停過接登台騷,「夜場始終比較複雜,我覺得我駕馭得到,咁我咪繼續 keep住,有嘅時候我咪去做囉!」

採訪、撰文:蘇詠詩

攝影:林迅景

化妝: Mandy@Bridalcorner

場地: S2 seafood& wine restaurant


鍾意就快D Share啦!
Related Posts Plugin for WordPress, Blogger...