在內地長賺人仔，阿 Rain搵得到亦捨得使，在名牌水晶店巡鋪半小時，即扑槌簽單，三盞燈，盛惠八十萬。
娛樂偵訊
豪裝風水屋 李彩樺 800萬買水晶燈
曾經因為還父債要節衣縮食的李彩樺，自從在內地爆紅一劇接一劇後，已變身成圈中小富婆；近日阿 Rain為現居的名門進行豪裝，更豪擲 80萬，扑槌買了三盞名貴水晶燈，富貴逼人。手持四個物業，一層父母一層細佬住，還有一個交阿媽收租，好顧家。
一大兩細
跟過氣「五虎」之一的何遠恆暗交快一年，事業愛情皆得意的李彩樺，趁新劇未開工，回港三日，四出購物。
日前，阿 Rain一個人到銅鑼灣開平道 Baccarat專門店睇燈飾，以法國水晶家品馳名於世的 Baccarat，店內水晶燈飾普普通通都要十幾萬起跳，阿 Rain睇中其中一盞，售價更高達六十多萬外，她對店內其他水晶家品，亦流晒口水！
店員見有明星客光顧，全程落力招呼，最後阿 Rain扑槌買了一盞中型 size的水晶吊燈和兩盞細燈，埋單加埋八十萬，豪！
「阿 Rain搬咗去名門之後，多嘢做到冇停手，劇接劇，商演同剪綵都好多，佢覺得間屋好好風水好旺佢；都住咗就嚟四年，啲朋友提議佢換樓，但佢好鍾意呢間屋，暫時都唔打算搬，最近仲再裝修，趁返香港幾日，去睇定屋企嘢同傢俬，幫間風水屋扮靚。」李彩樺身邊人說。
此外，手上已揸住四個物業的阿 Rain，亦有意趁樓價回落，再入市。
「佢喺寰宇嗰段時間，趙小姐（前林太趙雪英）幫佢好多，又教識佢買樓投資，佢嗰四層樓，全部升晒值。」
閉翳到富貴
16歲出道，由閉翳到富貴，阿 Rain大部分收入，都是交到 Rain媽手。
「阿 Rain一向孝順，依家冇經理人，都係 Rain媽出面幫佢傾 job，收入亦交晒俾阿媽幫手投資，除咗自住嘅名門，阿 Rain買樓都預埋屋企人，以前細佬未結婚同老豆老母住，而家娶咗老婆，阿 Rain都專登收番個原本放租嘅單位，俾細佬兩公婆住，仲有另一層樓就留番俾阿媽收租！」李彩樺身邊人說。
時來運轉
16歲出道的李彩樺， 03年父親經營的海味鋪執笠，加上炒股失利欠債纍纍， Rain要代父還債，其後簽約寰宇，原本發展不俗，後因林小明夫婦決裂，趙雪英在寰宇執行董事的職位被架空， Rain工作量大減繼而被雪藏； 10年， Rain提早與寰宇解約，並北上發展，憑內地劇《回家的誘惑》火速爆紅，身價跳到三十萬人仔一集。目前手持四層磚頭，是圈中小富婆。
撰文、攝影、攝錄：娛樂組
|
鍾意就快D Share啦！
|
|
|