2016年5月19日 星期四

老婆網開一面 偷食周國賢大步𨂾過 [壹週刊 - 1367] __,周國賢,M1,

娛樂偵訊老婆網開一面 偷食周國賢大步𨂾過前年周國賢被爆搭上女助手後,韓籍老婆李美英一怒之下,帶埋三個女遠走加拿大。妻女出走,大受打擊的周國賢一度患上抑鬱症,為修補和太太的關係,他毅然放下一切,追至加國箍煲。對老公偷食一事,周國賢老婆始終耿耿於懷,甚至拒絕跟對方返港生活,直至早前,兩公婆孖住現身香港機場,送現年14歲的長女Clara返加拿大讀書,夫妻終於和好如初!拍拖送大女機色字頭上一把刀!偷食周國 ...


娛樂偵訊

老婆網開一面 偷食周國賢大步𨂾過

前年周國賢被爆搭上女助手後,韓籍老婆李美英一怒之下,帶埋三個女遠走加拿大。妻女出走,大受打擊的周國賢一度患上抑鬱症,為修補和太太的關係,他毅然放下一切,追至加國箍煲。

對老公偷食一事,周國賢老婆始終耿耿於懷,甚至拒絕跟對方返港生活,直至早前,兩公婆孖住現身香港機場,送現年 14歲的長女 Clara返加拿大讀書,夫妻終於和好如初!

拍拖送大女機

色字頭上一把刀!偷食周國賢同太太關係陷入僵局後,為挽回婚姻,周國賢追到去加拿大,洗底超過一年,才令老婆回心轉意!

上週一(五月九日),周國賢老婆齊齊現身香港機場,送已經十四歲的大女 Clara飛返多倫多開學。

兩公婆陪囡囡辦完登機手續後,一家三口到附近 coffee shop坐低飲茶,其間兩公婆有講有笑,可見周國賢已得老婆網開一面。

之後等齊其他同學, Clara給爹哋媽咪一個大擁抱,才依依不捨地入閘離開。

周國賢與韓籍女友結婚多年,二人先後誕下三女。

結婚多年,兩公婆表現恩愛,直至爆出同女助手有路,婚姻關係告急。

周國賢 13年被指搭上女助手南南。

曾患上抑鬱症的周國賢,除了藥物治療,亦靠行山減壓。

變咗住家男

周國賢○二年在日本留學時與韓籍同學李美英結婚,二人育有三女,多年來無風無浪,直至一三年爆出偷食女助手事件,激到老婆走佬!

十幾年婚姻亮起紅燈,周國賢亦不敢怠慢,努力箍煲。

「佢第一時間飛咗去加拿大陪老婆,嗰兩年佢放咗好多時間响屋企人身上,兩夫妻關係變好咗, Endy有抑鬱症,都係全靠老婆支持,大家共同面對,後來兩公婆決定返香港, Endy明白太太喺香港冇乜朋友,都應承會爭取更多時間陪對方!而家 Endy除咗做嘢,其餘時間都係俾晒屋企人,變咗成個住家男人咁!」知情人士說。

大女 Clara返多倫多讀書,周國賢同太太陪囡囡辦好登機手續後,一家三口到 coffee shop hea。

Clara等埋其他同學到達,準備入閘。

14歲的 Clara同老豆周國賢似足餅印。

送完囡囡,兩公婆落寞離開機場。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...